ادور موضوعج مالقيته الظاهر اختفيتي ههههههههههههه
شوفي حبي انتي من كلامج انه ذوقج شي شي وناعم والناس كلها الحين تتجه للناعم
حبيبتي طولج حلو ووزنج اعتقد معني ماشفتج بس اضعيفه لانه وزنج اقل من طولج والضعف حيل موحلو انا اضعيفه ولايعه جبدي لو شلبس مايبين مايرز اللبس
الطول يرز غصب ان شالله
اول شي غيري طريقة خطج للميك أب اذا كنتي تعتمدين على المسكره والحمره بس لا غيري وزيدي شوي شلون حطي خط آي لاينر مع سحبه صغيرونه موحيل يعني نفس خطه سعاد حسني ايام فبل عرفتيها او اذا كنتي دايم تحطين هالطريقه زيدي عليها سحبه خفيفه من تحت العين انا اذا لقيت صوره بنزلج امثله بس اهم شي تكون حلوه عليج اذا دايم ستايلج برونزي غيري خليه فرش احنا بالصيف والالوان الفسفوريه طغت على كل شي ( بس موبكل وقت طبعا )
هذا مثال على الخطه اللي فوق
الحمره هم اذا كانت حمرتج درجات معينه غيريها اذا كنتي تعتمدين عالهادي اختاري الجريئ واذا كانت عندج سهره وتبين تكونين ذات طله جريئه اختاري اللون التركواز للشدو والاحمر للشفايف والشعر اسود بتكونين شي ( اذا كنتي بيضه )
اذا شعرج ثلجي الحمره الحمره خطيره معاه حيل حله مع شدو حيل سمبل بشرط تكون خطة الآيلاينر واضحه وجريئه
اللبس
الحين حبيبتي الموضه قاعده تتغير من كل شي لو تدشين قسم الاستفسارات موضوع الهبه راح تشوفين سوالف
الناس ردت للشانيل والمزموم وهذا موديل من الغرشوب يجنن ماشالله شغلها فضيع هذي تشكيلتها الجديده توه
وهذا ثاني
وهم هذا توني ماخذته من موضوع اعتقد اسمه دراريع لرمضان شي جذي وماقصرت صاحبة الموضوع ازياءه حلوه
وممكن هالستايل بعد
يعني انتي غيري بس الخام وشوفي شلون يتغير ستايلج اذا كنتي تعتمدين عالشيفون بدليه بالخام الهندي وممكن تضيفيله بس اضافات من الخام الهندي والله يغير استايلج يعطيف فخمه ورزانه
مثل الصديري اختاري اللي على ذوقج ويناسب شخصيتجفي انواع منها الحين بترتر وجاكار وسبورت وكلاسيك هذي امثله
والجمب سوت وهذي صوره حقه
وعندج الهاي وست بنطرون او تنوره وهذي امثله ممكن تضيفينله القميص الرفل ( الكشكش)وعلى فكره ترا الحين الموضه قصة هالبنطرون
وعندج هم هذي الاكمام اللي فيها جتافيات هم موضه الحين وحلوه حق الضعاف اما العراض موحلوه لانها تعرضهم اكثر
وهم عندج هالبنطرون عاد مادري ششمه بس انا حيل حابته
طلعت روحي هالصوره على ماتحملت
المهم انا ماعرف بالظبط شنو ستايلج لكن بما ان الموضه بدت تلبس حله جديده اذا الاختياؤات عندج متاحه اعتقد وقلتلج امثله على الميك اب بس اذا كان ستايلج بالميك اب ثقيل خليه خفيف
والاكسسوارات تلعب دور في تغير الشكل اذا اخترتي الستايل الغجري او الهندي اللي يركب عليج بشرط انج حبيتيه اذا ماحبيتي الستايل ترى ماراح يطلعج الاقتناع اهو اهم شي
الشعر اكسسواراته واجد
والله تعبت حيل وان شالله على هالتعب قدرت افيدج
طبعا اغبطكم على منتداكم الرائع والي احس فيه انكم اكثر من خوات وهذا الي شجعني على ان اطرح موضوعي علىكم
