ابي صالون يضبط لي هالتسريحه....؟

ادري تبون صوره بس لانى ماعرف بشرح لكم واللي تعرف تحط صور تساعدني..

اهي سلمكم الله
اول شي كيرلي الشعر بعدين ينرفع بف وهو كيرلي ومن ورا تصير مثل العجفه الهنديه المقلوبه بس الراهيه موالمشدوده شكثر اشوف بنات يسوونها بالعروس..
ابي صالون يضبطها فهمتوها بنات
عفيه عندي حفله وابي نيولوك حقي فديتكم

ناطرتكم

فديتج والله ياقلبي
فهمتي علي حبيبتي انتي
اي صايره موضه مو اللحين من اشهر هابين فيها بس ابي اسويها اللحين لان بدلتى ماتبي شعر مفلول..

عرفت التسريحة اللي تقولين عنها شفت وحده مسويتها عند حنان دشتي اللي بالمنقف وطالعة التسريحة حلوةبس ما ادري عند منو بالضبط

سويتها عند صالون فوج بالشعب عند ابتسام شي مو طبيعي كلمن سالني عنها بالعرس بس انا حطيت اكستنشن

انا توني قاصه شعري كاريه طويل من جدام وطبيعي بركب اكستنشن كلبسات عشان تضبط
احتمال اروح حنان دشتى لانى يمكن اتمكيج عندهم
شرايكم بنات بفرعها في البستكي منو راحت له ..

شفت وحده بصالون اوبرا الجابريه مسويتها يعني شفتها بالصالون

هالتسريحة راح يضبطونها اللي بصالون موس اللي بالجابرية ، مرة كنت رايحة بسوي شعري ةيفي و اللي جدامي قاعدة الكوافيرة تسويلها هالتسريحة

موفقة

عرفتها انا شفت صوره رفيجتي

تهبل تسريحتها مسويتها عند صالون باتشي ايلوتشي

بس صج صج صج مرتبه

اذا رحتي اخذي البروشور مالهم حاطين صوره التسريحه

حبيبتي انا اختي مسويتها بصالون كونتنينتال عند لينا تهبل تضبط والله

اعتقد موس حلو للقص بس التسريحات ما شفت

اي شفت وحده مسوويتها عند حنان الدشتي بس روعه

وشكلها كان مميز

حبيبتي انا سويتها في صالون اسمه كل ديور في الجابرية وخذيت معاي اكستنشن ( شعر زيادة من النسائم ) بس صاااااااارت عجييييييييييييبة وايد حلوة لي آخر العرس ما تغيرت

ابي رقم صالون موس ما عليكم امر

سبائك منو الكوافيره اللي سوت التسريحه بموس نيللي؟؟؟

و شلون عسى ضبطتها؟؟؟ عندي عرس قريب و ودي اسويها بموس ياليت تعلمني

حفلتنا هالاسبوع توها..
بجرب موس لانكم تمدحونهم وان شاءلله تضبط..
سبوج شسمها الكوافيره اللي تضبطها في صالون موس..