جم سوال على السريع 000 لسياح لبنان هلب مى كويتيات ؟

[كويتيه رزتها ملكيه]

:68_asmilies-com:



:68_asmilies-com:
شلوونكم بنات


ابى احسن مكتب سفريات يتكفل بكل السفره من الى

وااااااابى اعرف فرق التوقيت بين الكويت ولبنان <<<فشيييييييله ماعرف

وابى اسال عن منطقه برمانا ؟ الجو زين فيها والمطاعم والاماكن السياحيه ووسائل المواصلات وكم تبعد عن بيروت العاصمه


ومشكووووووووورين

 

[كويتيه رزتها ملكيه]

:eh_s(1):

:tomato2:

 

[SupeR-GirL]

الوقت بالصيف نفس الكويت وبالشتا الفرق ساعه
وبرمانا براااااااااد لانها عالجبل
وتبعد عن بيروت تفريبا ربع او ثلث ساعه
والمطاعم بس اعرف مطعم منير ببرمانا

 

[كويتيه رزتها ملكيه]

الوقت بالصيف نفس الكويت وبالشتا الفرق ساعه
وبرمانا براااااااااد لانها عالجبل
وتبعد عن بيروت تفريبا ربع او ثلث ساعه
والمطاعم بس اعرف مطعم منير ببرمانا

تسلمين حبيبتى على الرد

 

[أم الكتاكيت]

حبيبتي
برمانا منطقة جبلية و تعتبر من أغلى المناطق بلبنان حرام تسكنين فيها سكني ابحمدون أو فالوغا أو حمانا أو عاليه
المهم ان برمان و المناطق اللي ذكرتهم لج جوهم اكثر من روعة و باااااااااارد و يهبل

بالنسبة لمطاعم برمانا أكلهم حلو و غالي و مافيها اماكن سياحية غير السوق و القهاوي و حياتهم كلها بليل فاحسنلج تروحين زيارة ما تسكنين
تقريبا تبعد عن بيروت 10 إلى 15 دقيقة تقريبا مو أكثر

و اي استفسار انا حاضرة

 

[كويتيه رزتها ملكيه]

بناات بعد ااابى تقولولى شنو الاماكن والاسواق الحلوه بلبنان

 

[كويتيه رزتها ملكيه]

حبيبتي
برمانا منطقة جبلية و تعتبر من أغلى المناطق بلبنان حرام تسكنين فيها سكني ابحمدون أو فالوغا أو حمانا أو عاليه
المهم ان برمان و المناطق اللي ذكرتهم لج جوهم اكثر من روعة و باااااااااارد و يهبل

بالنسبة لمطاعم برمانا أكلهم حلو و غالي و مافيها اماكن سياحية غير السوق و القهاوي و حياتهم كلها بليل فاحسنلج تروحين زيارة ما تسكنين
تقريبا تبعد عن بيروت 10 إلى 15 دقيقة تقريبا مو أكثر

و اي استفسار انا حاضرة

تسلمين ياقلبى

برمانا بنقعد فيها جم يوم وعقب بنروح بحمدون 00انتى قوليلى شنو المطاعم الى تسوى وشنو المقاهى واذا قى مولات للتسوق

 

[ام مضاوي]

يعطيج العافيه صاحبة الموضوع والي ردو

انا بعد ابي معلومات

 

[بعثرة محبره]

بنات ياليت تساعدوني
ابي شقه في بحمدون او عاليه

تكون نظيفه ورخيصه

 

[دوووووعه]

,,, حبيبتي برمانا بصراحه ما رحتلها بس سمعت انها حلوه احلى الاماكن بلبنان شارع بحمدون اما المجمعات في مجمع اي بي سي الاشرفيه و فيردان وعاليه فيها محلات حلوة وبس وتروحين وتردين بالسلامه,,,

 

[كويتيه رزتها ملكيه]

,,, حبيبتي برمانا بصراحه ما رحتلها بس سمعت انها حلوه احلى الاماكن بلبنان شارع بحمدون اما المجمعات في مجمع اي بي سي الاشرفيه و فيردان وعاليه فيها محلات حلوة وبس وتروحين وتردين بالسلامه,,,

الله يسلمك حبيبتى

وشااكره لج مشاركتج

 

[hot caramel]

حبوبتي انصحج ببوحمدون وايد حــلوه وجنج قاعده بالكويت عالكويتيين الي مكتوتين كت فيها مشاالله​

وهم بعد في وايد قطرين بس غالبيتهم بعاليه​

وعاليه شارعها مخلط بالكوفيات والمحلات والمطاعم​

وعن تجربه شخصيه انصحج بالسوليدير طبعاببيروت هذا وabc الاشرفيه و فنيسيا عجيييبين والله​

ولابعد في بالاشرفيه صالون بس الي يقصون الشعر رياييل ان كنتي مومتحجبه​

وشفنا فيه الشحروره وياريلها الي هوه الديزاينر مالها .. والله كانت مغامره لا تنسى​

انا بعد ان شاالله عقب باجر طايره بوحمدون وعاليه بحيل الله وقوته​

ودورت بمنتدانا الراقي والفريد من نوعه وحصلت هالنتايج:​

الاسـواق والshopping:​

1) abc الاشرفيه ​

2) abc جونيا (عماره)​

3)الكسليك​

4)فرن الشباك (يقولون نفس سوق السالميه عندنا)​

5)الزلقا​

6)نانسي​

7)برج حمود (شعبي شوي بس حلو)​

8)سوق البرغوث (يفتح بشهر 8 بس)​

9)السوليدير​

10)مجمعات الفردان (وحسبت مافهمت انهم ثلاث مجمعات)​

11)مجمع الهوليدي إن​

12) ديونس​

13)مار إلياس​

14)بيروت مول​

15)سيتي مول​

16)فنيسيا​

17)شارع الحمرا (متخصص بالجواتي-عزج الله-)​

18)شارع معوض​

ومن ناحيه الرخص : (الي عرفته بس) شارع معوض + برج حمود رخاااص ​

ويي بعدهم : الحمرا + الزلقا + مار إلياس + مار إلياس​

والغـالي : السوليدير + الفردان​

ويمدحون اكسسوارات زوغه ورخاص بالسوليدير في محل اسمه ساميه اللفه الي بعدها محل في بنت و ولد اسمه رافي​

ومحل ساميه بعد يقولون حلو ورخيص مقارنه ببجابي الاسواق​

واذا عندج يهال وتبين لهم هدوم حق العيد عندج محل اسمه new look بالاشرفيه جبال مطعم ماندرين​

في مشغل اسمه إيكانس بالسوليدير​

لبنان عملتهم صارت الدولار$$ يعني ماهي هوينه ورخيصه يبيلهاشوي بس حلوووه وتحسين جنج ماصرفتي من الوناسه​

المطاعم :​

1) منير = برمانا​

2) مانويلا = السوليدير​

3)برج الحمام = الموفمبك + برمانا
وخالتي تقول انه الموفمبك مالهم حده عادي مونفسنا​

4)نبع الصفا​

5)فتوش (ماللللهم فظيع احلى من مالنا .. طبعا لانهم الاساس هناك )​

6) ماندرين = الاشرفيه​

7) لوكندا = جبيل​

8) مطعم ايطالي = فنيسيا​

9)كنافه = فندق فنيسيا (يمدحووونها وعلى الله نجربها)يقولون نفس الحـلاب​

10)كانال مكرون = الاشرفيه​

سيــاحه :​

1) مغاره جعيتا ..طبعا هذي انارايحه لها وانتي مغمضه لازم تروحين لها... اذا رحتي لبنان وماحتيها ماجنج رايحه لها
مغاره وتشوفين فيها الثلج شلون متكون فيها ياااسبحانه وبعدين ياخذج القارب حق بحيره دااااخل المغاره
والباجي راح تشوفينه بنفسج مابي احرق حـلاه المكان روحي بنفسج واكتشفيها​

2) مغاره كفرحيم​

3)قلعه موسى \ قصر موسى (مادري والله اذا همه نفس الشي وإلا لأ)​

4)متحف الشمع​

5)صخره الروشنه عالكورنيش وفي جبالها مطاعم وكوفيز​

6)حريصا+التلفريك عند مريم العذراء​

7)الثلج في فاريا​

8) الروشه (ماااادري شتطلع هذي الصراحه)​

9) بعلبك (مجرب وزقرت ويضبط)​

10) مدينه جبيل​

11) بيت الدين​

12) عنجر​

أماكن حلوه :​

-ينقالج في صيدليه جبال" كراون بلازا" تبيع ماسكات توت للشد والدهون والويه المتعب ب600 فلس ويكفون حق اكثر من استعمال​

- حديقه حبتور (اتوقع فيها ملاهي والعاب جنها الترفيهه) صاحبهااماراتي وعلى جبل يمها مجمع حبتور​

- في مكان مادري شسمه بالضبط مزيا او فريا ؟ ؟ ​

ملووحظه مهمه : حياتي اناماجربت هالاماكن تجربه شخصيه بس هذا الي حصلته بالمنتدى وتفضلي هذا الرابط عشان تتأكدين بنفسج وتستفيدين اكثر​

http://q8yat.net/showthread.php?t=244863​

http://q8yat.net/showthread.php?t=421982​

http://q8yat.net/showthread.php?t=421542​

وتروحين وتردين بالسلامه غلااا روحي ,, مااردى من المربوط الا المفتلت ​

حياتي حتى انانفسج والحال من بعضه​

متوهقه بعمري​

موفجه يابعدهم كلهم:eh_s(6): ​

 

[hot caramel]

سفرتي بــاجر .. ياربي تعيني :eh_s(1):