بيني وبين الله تعالى

[boliana_q8]

بسم الله الرحمن الرحيم

بنات انا حملي قاعد يتأخر وانا ادري ليش ادري انه عقااااب من الله سبحانه وتعلى
في كلام دايماً اقوله بقلبي واوجه لربي سبحانه وتعلى
يابنات انا احب الله واخاف منه لكني مقصرة بصلاتي استغفر الله
وانا ادري انه يعاقبني يبيني اتقرب منه اكثر
صدقوني قاعدة اكتب هالكلام والدمعة بعيني
ياربي سامحني اذا اخطيت سامحني اذا قصرت
ياربي بعض المرات احس انك غاضب عليي ولا راضي عني
مستحية منك يا ربي حتى الدعاء ومالي ويه اطلب منك شي
ادري اخطيت كثير بحق الناس وبحق نفسي
وادري انك تعسرلي اسهل الامور لاني بعيدة عن طاعتك
ياالله ياذا الجلال والاكرام
اغفر لي وامسح على صدري وارضى علي
احس اني وحدية ومالي غير وجهك الكريم
ابي احس برضاك ابي احس براحة
ابي ادعي لك وانا كلي فخر بنفسي اني اصلي فرضي وما اتأخر بصلواتي
عهد مني يالله ان اكون انسانه ثانية اطيعك وارضيك
يارب ثبت قلبي على دينك

 

[مولاي الفرج]

يا حياتي هذي فرصتج بآخر ايام رمضان تبدين من يديد وتلتزمين بصلاتج والله يرزقج ياارب

وان شاءالله الكل يسامحج روحي حج او عمرة ريحي نفسيتج وان شاءالله تحملين وتبشرينا يارب

اللهم صل على محمد وآل محمد

 

[المديـ بنت ـنة]

ابواب التوبة مفتوحة وعسى الله يغفر لنا جميع

الصلاة اهم شي حافظي عليها وادعي دايم

اللهم اعني على ذكرك وشكرك وحسن عبادتك

عسى ربي يثبت قلبك ع طاعته ويثبت قلوبنا جميع ويغفر لنا ويرزقك ويرزقني وكل محرومة باللي يسر خاطرها .

 

[حنان1983]

ربنا معاج حبيبتي الله يحب عباده ويحب التوابيين ويحب المتطهرين يارب يثبتنا واياك وبينا وبين ربنا ما في حاجز اى وقت وبكل مكان الجئي اليه انه هو التواب الرحيم

 

[الزيـــــ^^ـــــن]

الله تعالى يحب انين المذنبين

الله يغفرلج ويسامحج اذا تركتي شي لوجه الله عوضج الله بشي ثاني

وان شاءالله ربي يثبتج

 

[ثنايا الورد]

الله يرزقج خير الدنيا واللآخرة ويعطيج كل اللي تتمنيه وكل سنة وانتي اقرب الى الله سبحانه وتعالى

 

[هيبة ملك]

الله يثبتج

 

[boliana_q8]

تسلمون يا بنات
الله يستجيب دعواتكم امييين