السلام عليكم
اشلونكم بنات
اللي ساكنه في بيت الحموله بسألج جم سؤال عشان ندردش مع بعض :
1 . في ايام المدارس تنزلين عند خالتج تحت والساعه جم تنزلين ؟
لا ما أنزل لأن خالتي مو فاضيه
تحوس ورا حمواني عشان يدرسون.. اهما مو صغار بالثانويه بس ميننينها وتحوس معاهم
2 . في ايام العطله تنزلين ولا لا ؟
انا ما أنزل بروحي.. ما أنزل إلا مع زوجي
وبعدين خالتي مو من النوع اللي تقعد بالصاله
نوعها تتكلم بالتيلفون او تقعد مع عيالها (حمواني الكبار يزورونها)
او تقعد مع عمي بالدوانيه
وما أحب أضايقها واقعد معاها
ما أنزل إلا بالزواره
لأن حمواتي متزوجين وعندي وحده مو متزوجه بالثانويه بس دايما بغرفتها تدرس او حتى إذا بالصاله تكون شابكه بالنت هم مو فاضيتلي
وخلج مثلي لا تنزلين على طول عشان لا تضايقينهم
انا ما انزل إلا بالزواره وكاني شحلاتي معاهم
يحبوني وأحبهم
ما أثقل عليهم ولا يثقلون علي
3 . تتيمعون انتي وحريم حموانج بأي وقت ولا تحددون يوم معين ؟
لا شكو.. ما أشوفهم إلا بالزواره مع خالتي وحمواتي
بس بالزواره (يوم الخميس)4 . إذا نزلتي تيبين معاج صحن حلو او اي شي ولا لا ؟
انا مو من النوع اللي يطبخ
انا أطلب
وأكيد بالزواره لازم أطلب طبق بعد فشله كلهم اييبون أطباق إلا أنا
5 . تكشخين وتتمكيجين ولا مكياج ناعم و دراعه عاديه ؟
انا ما أحب الدرارييع أحس جني عيوز إذا لبستهم
بالزواره ألبس وأتكشخ وأتمكيج وما أكرر بدلاتي
بس بالأيام العاديه لما أنزل مع زوجي ألبس عادي تنوره وبدي ولا قميص وحجاب لأن في شباب بالبيت
خل نسولف مع بعض و نستفيد من هالسوالف
:27d66a9c24b146327bf
