- 111
- 0
- الخميس, 1 يونيو, 2017 - 8 , مساءً
- التقييم:
الطريقة و المقادير
◾المقادير باستخدام الاكواب القياسية
.
🔸3 اكواب طحين
🔸نص كوب سميد نااعم
🔸4 اكواب ماء دافيء
🔸2 م.ك سكر
🔸نص م.ص باكنغ باودر
🔸نص م.ك خميرة
🔸رشة ملح
.
◾الطريقة:
.
بمحضرة الطعام ترررررر وبس
.
نخليها ترتاح نص ساعه وقبل البدء بصب العجينه على الصاج او التاوة
.
نحط ملعقه صغيرة كربونات الصودا بشوي ماي يعني نقول ملعقتين ولا ثلاثة ملاعق كبار ماء ونذوبهم ونضيفهم للخليط بعدين نبدأ الصب
.
اللي ماعنده كربونات تكفه اشتري .. واذا ماودك تشتري مولازم هالخطوة بكيفكم مع انها تحسن النتيجه وايد
.
◾حشوة القطشه اللي اعشقها للقطايف وتعلمتها من ابوي كالتالي:
.
🔸نص لتر حليب سائل + نص كوب الى ثلاث ارباع الكوب سميد ناعم + ملعقتين كبار سكر او حسب الرغبة + ماء زهر وورد حسب الرغبه
.
🔸على النار مع التحريك المستمر لغاية الغليان .. نقصر النار واحنا للحين نحرك ترى .. حتى يثقل القوام
.
🔸نرفعها عن النار ونصبها بطبق مفلطح وليس عميق علشان تبرد بسرعه وبعدين ندخلها الثلاجه تقعد اربع خمس ايام عاااااادي
.
🔸وعند الحاجه لها .. نطلعها ونحركها ونخلطها بشوي قيمر عالنظر وتصير تمااااام وبالعافيه
