راح اعطيكم طريقة العجينة اليابانيه مع التانق زونق فضيعه ما شاء الله هالعجينة 😍😍
مقادير التانق زونق // 25 جرام دقيق [ قسته بالملعقه تبع القياس وكانت ملعقتين ممسوحه طبعاً
125 جرام ماء [نص كاس ماء ]نبدأ بالطريقه :
نقيس الماء ونضعه في قدر ستيل عشان ما يسود الخليط .
نضيف مقدار الدقيق ونخلط الى نحصل على خليط مافيه اي كتل .
ثم نرفعه على نار هادئه ونقلب وما نشيل ايدينا منه عشان ما يلصق الدقيق بقاع القدر .
ونستمر بالتقليب حتى يبدا يتماسك ويصير قوامه مثل البشاميل من دون ان يغلي .
المهم قوامه ثقيل شوي وقابل للصب .
نصبه في اي صحن ونغلفه بنايلون ولازم يلامس سطح الخليط عشان ما تتكون قشره .
ونخليه لين يصير بحرارة الغرفه ونبدا نستخدمه ,, هم يقولون ممكن تحتفظ بالخليط في الثلاجه الى 3 ايام
او الى ان يتغير لونه ويصير غامق
بس الافضل تسويه وقت عمل العجينه
نجي لطريقة العجينه اليابانيه
ندخل على المقادير //
270 جرام دقيق [2 وربع كأس ]
20 جرام حليب بودره [ 2 ملعقة كبيره ] .
40 جرام سكر [ 3 ملاعق كبيره ]
نص ملعقه صغيره ملح
6 جرام خميرة فوريه [ ملعقه حلى ]
30 جرام بيضه مخفوقه [ بيضه صغيره ]
85 جرام ماء دافىء [ نص كاس ]
22 جرام زبده [ ربع اصبع الزبده ابو 100 جرام ونقصي منه نتفه ]
اضافه الى التانق زونق اللي عملناه
الطريقه :~
نضع كل المقادير بالعجانه عدا الماء والزبده
ونبدأ نعجن ونضيف الماء بالتدريج الى ان تختلط المقادير زين ,, واذا بدات تتماسك العجينه نضيف الزبده قطعه قطعه
ونستمر بالعجن تقريبا 10 دقائق على سرعه متوسطه الى هادئه الى ان نحصل على عجينه ناعمه
وطرية كانها قطن من طرواتها ومتماسكه [ ترى في البدايه راح تحسين ان العجينه لينه لكن مع الاستمرار بالعجن راح تتماسك وتشد على نفسها ]
انا اعجنها فتره بالعجانه وبعد كذا اعجنها بيدي ممتع العجن باليد بالنسبه لي .. .
.عشان تعرفين انتي عجنتي مضبوط او لا ؟
خذي قطعه من العجينه بين ايديك وحاولي تفرديها وتمطيها على الخفيف اذا تقطعت بسرعه
هذا دليل ان العجينه محتاجه عجن زياده واذا فردتيها ومطيتيها من دون ما تتقطع وصارت شفافه هنا
خلاص نجحتي
العجينه توب التوب
ما قدرت اصور زين وقتها لاني لوحدي فما وضحت زين
في الاولى انقطعت العجينه
والثانيه استمريت اعجن لين ضبطت معي الحركه
نلفها ونخليها تختمر الى ان يتضاعف حجمها زين
وبعدها نشتغل عليها ونحشيها اللي نحب تستخدم لجميع انواع الخبز والمعجنات الحاليه والمالحه بعد مانشكلها ندهنها بـ صفار بيضه مخلوط معه حليب مذوب فيه شوي نسكافه او فانيلا
تغطى بعد التشكيل وتترك تتخمر عشرين دقيقه وتخبز