- 75
- 0
- الإثنين, 8 يناير, 2018 - 7 , مساءً
- التقييم:
الطريقة و المقادير
خبز الحليب
. مقادير و طريقهه العجينهه .. كوب حليب سايل دافي + ملعقه كبيره مو مليانه خميره + نص كوب سكر + بيضة + ملعقه صغيره ملح + نص كوب حليب بودره .. تخلط المقادير سويا حتى يمتزجون تمام .. بعدها نضيف ٤ أكواب دقيق و ملعقه صغيره بكنج بودر و نعجنهم شوي و آخر شي نضيف ٧٥ غرام زبده لينه ب حراره الغرفه … و نكمل عجن مده عشره دقايق .. حتى نحصل ع عجينه لينه و ما تلصق باليد .. و نخليها ترتاح مده ساعه .. 2️⃣ .. بعدها نقطعها كور متساويه < انا استعنت ب ميزان الغرامات عشان تطلع متساويه 🙊 .. كل كوره ٤٠ غرام .، بعدين نفرد كل كوره و نحشيها جبن مثلث و نلفها مثل ما موضح لكم في الصور .. 3️⃣ نصفها ب صينيه مدهونه و نخلي بينهم مسافه بسيطه .. نغطيها تخمر ساعه ثانيه و ندهن الوجه ب (( صفار بيضه مع ملعقه صغيره حليب سايل و ذره نسكافيه )) و ندخلها الفرن من تحت الين تستوي بعدين من فوق حتى تتحمر و ب العافيهه 😋🌸 ,, 4️⃣ العجينه لذيذه ممكن تصلحين فيها خليه نحل و بيتزاء و غيرها من المعجنات
