- 159
- 0
- الأحد, 7 مايو, 2017 - 8 , مساءً
- التقييم:
الطريقة و المقادير
شرايكم نغير شوي عن المعتاد ونجرب نسوي برياني بالكفته .. نفس طريقة البرياني بس استخدمت كفتة لحم وطلعت
اول شي شخلت العيش .. كالمعتاد غسلت الرز ونقعته ربع ساعه .. وبعدين سلقته بماء غزير وفيه شوي من بهارات البرياني وملح طبعا وصفيته من الماء
.
بقدر منفصل قلبت او شوحت الكفته بقليل من الزيت .. رفعتهم على جنب وبنفس الزيت قلبت بصل وثوم وزنجبيل لين ذبلوا
.
نزلت عليهم فلفل علوب (هلابينو) وطماطم مفروم وخليتهم يطبخون عالنار
.
الحين نزلت عليهم لبن روب وحليب جوز الهند ومعجون طماطم والبهارات (استخدمت بهارات برياني جاهزة واضفت ملح وفلفل)
.
رجعت الكفته وغطيت القدر وقصرت عالنار ربع ساعه وبعدين اضفت فوق هالحمسة العيش المشخول (حاولوا ان السوائل تتبخر اكثر مماصار معي النتيجه بتكون افضل)
.
المهم .. انا قسمت الرز ثلاث اقسام .. قسم ابيض وقسمين لونتهم برتقالي واخضر .. وهالشي اختياري
.
وحطيت الرز فوق حمسة الكفته وفوقهم شوي ماء ورد مذوب فيه زعفران وحطيت بصل مقلي بين الطبقات
.
غطيت القدر نص ساعه على نار هادية وبالعافيه
