روبيان بالكريمه الغنيه بكرات البطاطس ~
.
لذيذه وطعمها رايق

المقادير مع الطريقه :

روبيان + فطر ( مَشروم )
ذوبت الروبيان ونقعته بمويه دافيه وغسلته
يفضل يمسح المشروم الطازج بمنديل مبلل والسبب : إذا غسل بالمويه يطرى كثير وحنا نبي نحافظ ع قوامه ويقطع شرائح بصل , فلفل رومي , جزر
( يقطع البصل والفلفل الرومي مكعبات صغيره ويفرم الجزر )
نحمس البصل في قليل زيت حتى يذبل ونضيف الروبيان ويترك حتى يحمرّ ويستوي بعدها نضيف الماشروم ونسكب ماء مغلي للنصف <– اللي تحط كمية الكريمه كثيره تضاعف المويه
مثلاً حطيت كاس كريمه وحطيت كاس ونصف ماء
نضيف البهارات :
( ملح , فلفل اسود مطحون , كمون مطحون , بهارات اللي موجوده عندك
كريمة خفق والأفضل كريمة الطبخ نضيف الجزر والفلفل الرومي
والكريمه وملعقه كبيره جبنه سائله وتحرك وتترك حتى تغلي
( الحشوه جاهزه )
نقطع البطاطس مكعبات صغيره وتسلق في
( ماء , قليل زيت , ملح )
يصفى البطاطس من الماء ونضيف ملعقه صغيره فلفل اسود وملعقه كبيره جبنه سائله وتهرس .. وتكور كور صغيره صبينا حشوة الروبيان في صينيه بايركس ورصينا كور البطاطس ع الوجه بشرنا على الوجه جبنة البارميزان او مازوريلا
وتدخل الفرن من أعلى حتى تحمرّ
التقديم تقدم صينية الروبيان بجانب الرز لو تحبون او اي سلطه
بطريقة احلام الحمادي يسعدها ربي