كيكة البهارات والجوز》
.
لما بدأت اسويها .. كان في بالي انها تطلع اسفنجية هشة .. وبسبب غلطة صغيرة طلعت كأنها قرص عقيلي .. وكنت ناوي اعدلها واعيدها (وذكرت لكم هالشي لما نزلت صورتها من كم يوم)
.
بعدين غيرت رأيي ولقيت ان قوامها حلو خصوصا مع الكريمه 😍 وكل اللي ذاقها قالي خلها لاتعدل فيها لانها #لذيذة_لذاذة_اللذوذين_كلهم😋👌 وحبيت اشارككم فيها .. لف الصورة يسار ⬅️ سويتها كب كيك بعد
.
◾المقادير:
.
🔸️4 حبات بيض
🔸️1 م.ص فانيلا سائل
🔸️كوب سكر
🔸️ثلثين الكوب زيت نباتي
🔸️كوب حليب سائل
🔸️كوبين طحين ابيض
🔸️2 م.ص باكنغ باودر
🔸️رشة ملح
🔸️1 م.ص قرفه او دارسين
🔸️1 م.ص زنجبيل بودرة
🔸️نص 1 م.ص جوزة الطيب
🔸️نص م.ص محلب او بهار كعك او خلطة القصيم
🔸️جوز عين جمل مجروش او مقطع انصاف
.
#كيكة_بهارات_كلحه #حلويات_كلحه
.
◾الطريقة:
.
🔹️نجهز خليط النواشف .. نحط بطبق الطحين والبهارات والباكنغ باودر والملح ونخلطهم بالملعقع جق جق جق ونخليهم على جنب
.
🔹️على سرعه متوسطه الى عالية نخفق البيض والسكر والفانيلا ثلاث دقايق ترررررررر لمن يتغير لونهم يصير كريمي فاتح ونافش
.
🔹️والمكينه شغاله ننزل الزيت بشكل خيط رفيع لحين التجانس فقط
.
🔹️اخفف السرعه اقل شي .. واضيف نص خليط النواشف وبس يختلط نضيف الحليب بهدوء
.
🔹️وبالاخر بس يختلطوا .. يعني لاتطولون بالخفق والتررررر .. نضيف باقي خليط النواشف ونخلطه بالملعقه جق جق جق بهدوء لما تتجانس المكونات
.
🔹️نضيف الجوز ونكمل خلط بالملعقه جق جق جق
.
🔹️نصب الخليط بقالب ٨ او ٩ انش .. مدهون زبده ومرشوش طحين مسبقا .. استخدموا قالب مفتوح من الوسط افضل
.
🔹️ندخلها الفرن حرارة ١٨٠ الصينية بالوسط .. لمدة بين ٤٠ الى ٤٥ دقيقه تقريبا وبالعافية