كيكة الكوكيز

قبل مااكتب المقادير ضروري انو هذه المقادير تكون كلها في نفس درجة حرارة الغرفه ماعدا حبيبات الشكولاه يعني قبل مانحضر الوصفه بثلاث ساعات لازم اكون مجهزه المقادير في مكان واحد عشان تنجح معانا الوصفه وهذه المقادير☺️
كأستين ونص دقيق ابيض
كأس سكر مطحون ضرورري مطحون
اصبعين زبده ضروري تكون لينه
٢بيضه
ملعقتين صغيره بيكنج بودر
ملعقه صغيره بيكربونات الصوديم وهذه ضرورية عشان ماتصير الكيكه يابسه
ملعقه صغيره فانيلا عشان تختفي ريحة البيض
نصف كأس حبيبات الهيرشي
للحشوه نوتيلا
للزينه نوتيلا وحبيبات الهيرشي طبعا التزيين حسب الذوق
الطريقه
نخفق الزبده والسكر لحد ماتتكون لدينا خليط يشبه الكريمه ثم نضيف بيضه ونخلط ثم فانيلا ثم البيضه الاخرى ونخفق ثم نضيف الدقيق بعد نخله وخلطه بالبيكنج بودر وبيكربونات الصوديم ونضيف الدقيق تدريجيا ونعجن بعد كل اضافه زين واخر شي نضيف حبيبات الهيرشي ونخلطها زين مع العجين ثم نقسم العجين نصفين ونفرد كل نصف في صينيه (طبعا انا استخدمت الصينيه المتعرجه من الحواف عشان اعطي منظر حلو للكيكه ) وبعد الفرد نخرم السطح بالاصابع عشان نعطي منظر حلو وكمان عشان ماتنتفخ العجينه مره وعلى سطح الطبقه العلويه فقط نوزع حبيبات هيرشي طبعا الصينيتين متساويتين وبداخلها ورق الزبده وفي الحواف ندهن طبقه خفيفه زيت ونرش دقيق عشان ماتلصق في حواف الصينيه وتدخل الصينيه فرن حار على درجه حراره ٢٠٠في الرف الاسفل وماتطول من ١٠د الى ١٥دقيقه ثم ننقلها الرف الوسط ونتركها تتحمر شوي من الاعلى
اذا استوت نخرجها ونتركها تبرد ثم نقلبها ونضع حشوه على الطبقه السفليه ونضع الطبقه العلويه ونزينها حسب الذوق
اتمنى تكون الطريقه واضحه