الطريقة :

أولا تجهيز الدجاج : 🍗
نحتاج صدرين دجاج خالية من العظم والجلد , فخذتين خالية من العظم مع جلد / نضربهم بالمطرقه حتى نحصل على شرائح مسطحه ورقيقه / نحطهم في وعاء للتبيل
ثانيا التتبيل :🍜
نعصر برتقاله كامله + نصف ليمونه / نضيف علبة زبادي / ملعقة كبيرة لكل من ( ملح , فلفل اسود , كمون , كزبره )
نتبلهم مع الدجاج ونخليهم اقل شي 12 ساعه بالثلاجة ويفضل 24 ساعة.

ثالثا الطبخ :🍳
بوعاء التتبيلة نضيف ماء بحرارة الغرفة على التتبيلة عشان نخفف برودة الدجاج وياخذ حرارة الغرفة / نوزعه بصينيه عليها قصدير ونراعي قد ما نقدر انه ما تكون مبلله بالماء / ندهن الدجاج بالزيت / نحطه بالفرن على اعلا رف ونشغل النار من فوق فقط متوسطه عالية / نخليها حتى تتحمر ( حوالي 12 دقيقه ) / ثم نخرجة ونقطعها شرايح .

رابعا الطحينة :🍥
نضيف ثلاث ملاعق كبار طحينه فاخره / ملعقتين خل ابيض / ملعقه عصير ليمون / نخلطهم / نضيف ملعقه زبادي / نبدء نضيف شوية ماء بارد ونقلب حتى نحصل ع قوام متوسط ومناسب / بالاخير نحط ملح وفلفل اسود وكمون ونقلبهم.

خامسا التكوين :🍔
انا افضل نستخدم العيش الشامي ( اللبناني ) نفتحه وندهنه بالثوميه ونضيف خس وطمام مع الدجاج وبطاطس مقليه ونصب شوية طحينيه وبالعافية