نسوي الشيره : لكل كوب مويه كوبين سكر وشريحه ليمون و شوي زعفران نجهزها و نخليها تبرد * . نشغل الفرن على حراره ٣٥٠ و نبدا نجهز الحشوه : كاس فستق مطحون خشن و شوي عسل و ثلاث ملاعق زبده ذايبه .. جربت احط لون اخضر بس النتيجه ما اعجبتني نصيحتي لا تحطون او قطره وحده تكفي .. . ً
نطلع عجينه القلاش و نغطيها بفوطه مبلوله و نجهز الصحن اللي بنسوي فيه البقلاوه و اصبع زبده ذايبه .. ً
نبدا ندهن الصحن بزبده و نحط طبقه قلاش و ندهنها كويس بالزبده و نكررها لين يصير عندنا ست طبقات .. نحط الحشوه و نخلي الاطراف بدون حشوه عشان تتقفل كويس و نكمل نحط قلاش تقريبا ست او سبع طبقات بينهم زبده و الطبقه الاخيره قصيها على حجم الصحن عشان يصير شكلها طبقه وحده مرتبه زي ما سويت بالڤيديو .. ً
قصيها زي ما تحبين و على الفرن تاخذ تقريبا ثلث ساعه وانتبهي لها لا تحترق و حمريها من فوق اذا تحتاج 👍🏻 اول ما تطلع من الفرن وهي حاره صبي عليها الشيره و تكون بحراره الغرفه .. خليها شوي تتماسك و تقدم زي ماهي او مع ايسكريم ڤانيليا 😋 و بالعافيه الدافيه