..المقادير والطريقه : نغسل الدجاج بالعظم ومن غير جلد ونقطعه لثمانية قطع .. نتبله ( زبادي – ثوم مهروس -كمون – كزبره مطحونه – بهار – بهار مشويات – ملح – فلفل اسود- ليمون – زيت زيتون ) ونخليه يتنقع بالثلاجه اقل شي ٣ ساعات … نحمي التاوه .. ونضيف خليط الدجاج بالزبادي كله … وبصل مقطع مكعبات .. ونغطيه .. ونخليه على نار هاديه لين يتحمر .. ثم نص كوب ماء .. ونضيف مكعبات البطاطس والكوسا .. وراسين ثوم بالقشر .. وملعقتين كبيره زيت زيتون ..ونغطيه ونخليه على نار هاديه لين يستوي .. اذا استوى الدجاج والخضار ..نضيف له مكعبات بصل .. وطماطم صغيره .. وارباع ليمون اصفر .. ومكعبات فلفل رومي .. ونرشهم بشويه ملح وفلفل اسود .. ونخليهم على نار متوسطه لين يتحمرون كلهم مع الدجاج والخضار ..ونقدمه💕
..
..الارز بالكشنه : تسوي رز ابيض عادي مع بهارات الحب وقرون الفلفل .. في تاوه نضيف مكعبات متوسطه بصل .. ونبخها شويه مويه .. وكل ماتنشف المويه من البصل ..نظل نبخه مويه .. لين يبدأ البصل يتحمر وياخذ لون .. ثم نضيف ملعقه صغيره زيت زيتون ونحمر البصل زين ونضيف له ( لومي اسود مطحون – ملح – بهار مشكل – فلفل اسود )..ونطفي النار 💕
..
..ثم نقدم الرز .. وفوقه الكشنه .. ثم طبقه الخضار مع الدجاج .. وبالعافيه