نحضر التوست ونقطع الأطراف ثم نقطع التوست بالشكل اللي نحبه ثم ندهن وجه التوست بكاتشب ثم صلصلة البيتزا (طريقتها تحت👇👇👇) ثم نضيف الفلفل والزيتون والجبنه وندخلها الفرن عشان تذوب الجبنه والصينيه توضع في الرف الأسفل والنار من الأعلى فقط وعلى درجه حراره متوسطه عشان مايصير التوست يابس اذا ذابت الجبنه نطلع الصينيه من الفرن ونغطيها بقصدير عشان يلين التوست اكثر
.
ووممكن ندخل الصينيه في فرن حاااااااار مسبقا عشان تذوب الجبنه طبعا الفرن مقفل بس حااار .
.
طريقه الصلصله …
صلصلة البيتزا: 3حبات طماطم متوسطه توضع في ماء حار وتطهى على النار حتى تلين يعني تقريبا ربع ساعه
بعد ذلك نرفع الطماطم من على النار ونصفيها من الماء ثم نزيل القشره عنها ثم نقوم بهرسها .
نحضر مقلى على النار نضع فيه بصلة صغيره مقطعه تقطيع صغير وفص ثوم مقطع ونحمسهم على الزيت حتى يذبل ثم نضيف عليها البهارات المتواجده لديك ثم نضيف الطماطم المهروسه ثم نضيف فلفل رومي مقطع صغار ثم رشة ملح وملعقه كبيره معجون طماطم ونحركهم على النار حتى تذبل الطماطم يعني تقريبا 10 دقائق وبذلك تصبح الصلصة جاهزه للاستخدام
.
وعلى فكره الطماطم لازم ماتكون لينه …
.
اطراف التوست اللي قطعتيها ممكن تستفيدي منها وتسوي منها بقسماط .
.
وبالعاااافيه