. *المقادير + الطريقه /

٤أكواب جريش + نص كوب رز مصري نغسلهم زين و نخليهم على جمب .
+ بصلتين كبيره نقطعها قطع صغيره .
+ نصف كوب زيت .
+ ملح بحري خشن اذا ماعندك ملح ناعم عادي .
+ م ص ملح الليمون .
.
.
أول شيء نحرك البصل مع الزيت لين تطلع ريحته ويذبل خفيف بدون مايتغيّر لونه 👌🏻وبعدين نضيف الجريش مع الرز ونضيف م ص ملح الليمون + كمية من الملح البحري الخشن + نص عصير ليمونه وبعدين نضيف تقريباً ١٤ كوب ماء يعني لكل كوب جريش = ٣إلى ٤ أكواب ماء ، وإذا بدأ يغلي نضع الفلفل الأحمر الحار بدون تقطيع حبات كامله ونخلي النار على رقم ٢ للكهربائي والغاز نخليه بعد على اقل درجه ونحط تحت القدر حديده أو بلاطه ثم نتركه لمدة ٣ساعات .، ( بدون تحريك )
بعدين نضيف كوبين لبن طبيعي أو أي نوع وملعقه صغيره كمون ونستمر بالتحريك يعني نحرك ونغطّيه يطبخ شوي ونحرّك مره ثانيه تقريباً كل ٥دقايق لمدة نص ساعه و بعدين نغرفه في طبق التقديم ونزينه بالكشنه والفلافل الحاره .. .
.
– الكشنه/
بصلتين كبيره مقطعه صغير ونضيف لها شوي زيت و زبده ونضيف له ملعقه صغيره كمون وملعقه صغيره فلفل أسود وملعقه كبيره مسمنه وملعقه كبيره صلصه وتترك على نار خفيفه حتى يستوي البصل ويذبل .
اللي ماعندها مسمنه تضيف : كمون ، فلفل اسود ، ليمون اسود ، كركم ، قرفه وكلها مطحونه طبعاً .
واللي يحب يضيف : ( شوي دبس رمان أو تمر هندي أو زي ماقالت لي وحده من المتابعات قمر الدين ) .

وبألف عافيه على قلوبكم ❤️😘 .,
.
– ملاحظه :
: نوع الجريش المستخدم ( انجي ) تركي .
: اللي تحب كمية اللبن أكثر تقلل كمية الماء .
: اذا نقعتو الجريش في ماء لمدة ساعه او اكثر ماراح يطول ع النار تقريباً ساعتين ونص يطبخ وبعدين تحطون اللبن يعني الوقت كامل ٣ساعات منقول