بالخلاط الكاس ( كوب تمر خلاص منزوع النوى ولازم التمر يكون خلاص وكوب ماء مغلي ) يخلط لحد ماينعم التمر ويترك يبرد ثم نضيف له :
بيضه
ونصف كوب زيت
ثلاث أرباع كوب سكر
وملعقه صغيره هيل مطحون ناعم
نخلطه ونسكبه في باديه ونضيف له:
واحد ونصف كوب دقيق
وملعقه كبيره بكنج باودر
ويضرب بخلاط الكيك
واذا تحبين تضيفين معاه مكسرات مجروشه نصف كوب
واخلطي بالملعقه
رشي قوالب الميني تشيز كيك ببخاخ زيت .. واسكبي بثلثين القوالب خليط الكيك .. وعلشان ماينزل شي من تحت .. جيبي صينيه كبيره وخلي صينية الميني تشيز كيك وسطها ( احتياط ) والأصل انه ماينزل شي لكن الصياني تختلف جودتها فممكن بعضها ينزل شوي من خليط الكيك ..
بيطلع معاك ٢٤ قالب 👌🏻
دخليهاالفرن مسبق التسخين اخبزيها لحد النضج .. علامة النضج ادخال عود خشبي داخلها اذا طلع نضيف فهو ناضج .. رتبي الكيك في صينية التقديم ووزعي على كل قطعه حبة جوز واسكبي فوقها ملعقه من التوفي وهذي طريقتي معاه :كوبين سكر على النار مع ملعقتين زبده لحد مايذوب السكر ثم اضيف له علبتين حجم وسط قشطة التاج وتصير القشطه دافيه علشان مايتعقّد التوفي ( اغمر القشطه قبل افتحها بالماء الحار واتركها دقيقتين او افرغها بصحن وادخلها المايكرويف تسخن ) وانزل القشطه على السكر والزبده بالتدريج واحرك بالمضرب اليدوي .. ويسكب التوفي فوق الكيك .. يصير يغطيه بالكامل ..