دجاجة مقطعة ومنضفة بخل وزيت زيتون وليمون
زيت نباتي لدهن الدجاج
التتبيلة: نص معلقة صغيرة قرفة
معلقة صغيرة كركم
معلقة كبيرة بهار دجاج
ربع معلقة صغيرة فلفل اسود
ملح حسب الرغبة
عصير نص ليمونة
نص معلقة صغيرة هيل مطحون
معلقة صغيرة كزبرة ناشفة
رز بسمتي مغسول ومنقوع لمدة نص ساعة
بودرة صفار الزعفران لدهن الدجاج ولتلوين الارز
فحم للتدخين
بصلة ناعمة
بهارات صحيحة: ورق غار؛ هيل حب؛ قرنفل؛ قرفة عيدان
الطريقة: بدهن الدجاج بالزيت وبعدها بضيف عليها البهارات الناعمة المكتوبة فوق وبتركها تتبل ربع ساعه… بالطنجرة بحط زيت نباتي وبقلب فيه البصلة وورق الغار والقرنفل والقرفة والهيل لتفوح ريحتهم وادا بتحبي تضيفي كمون حب وبتطفي عليهم …وبعدها بتضيفي عليها الرز المنقوع والمي اكتر من غمرتها بنص اصبع السبابة تقريبا…ويحط ملح وزيت ع الرز حتى يتفلفل … بحط فوق الطنجرة شبك وبحط عليه قطع الدجاج المبهرة وبدهن القطع ببودرة صفار الزعفران بكون خالطاها بشوية مي مغلية وبالفرشاية بدهنها ..وبعدها بغلفها بالقصدير وبحطها بالفرن على درجة حرارة 220 تقريبا اخدت ساعة و20 دقيقة لساعة ونص ….حسب حرارة فرنك وبعدها بحط الدجاج ع وجه الرز وبصحن بورسلان بحط فحم وزيت وبتركها تتدخن 5 دقايق_7 دقايق والف صحة وهنا
ملاحظة: بعد الساعة فتحت ع الرز حسيته محتاج مي اضفتله شوي مي مغلية وكمل استواه بالفرن.