فطيرة الجوز ؛
المقادير
كيلو طحين
معلقة صغيرة ملح
ملعقة صغيرة سكر
ماء دافىء للعجن
زبدة للدهن في حال استعمالها كصنف حلو
الطريقة
نخلط الطحين و الملح و السكر و بعدا بتضلي بتضيفي مي دافيه و بتعجني حتى تصير كرة
اهم شي تتشكل كرة يعني لا تكون سائلة و لا تنشفيا كتير بالطحين كرة تنمسك بالايد و معلش لو عمتلزق
حطيا بصحن و غطيا ترتاح نص ساعه
بعد نص ساعه حطيا شيليا من الصحن بهدوء و حطيا عالرخامه و استعملي زيت نباتي بايدك و ادهني العجينه قطعيا كرات
انا من ناحيتي قطعت كرات صغار تقريبا ١٢ كرة ممكن يكونوا اقل و بالتالي القرص اكبر
هلق حطي الكرات بصحن و كتي فوقهم نص كاسة زيت بحيث يكون الزيت تقريبا غامرهم و بالتالي ما ينشفوا غطي الصحن و تركيهم يرتاحوا نص ساعه الى ساعه معلش
طالعي كرة و او لزقت باللي جنبا لا تخافي قطعي بسكينه
مسحي الرخامه بالزيت و الشوبك و كبسي بايدك عالكرة حاولي تمدي شوي بايدك و ممكن تكملي بالشوبك لتصير رقيقة كتير و شفافه
هلق صار عندك قرص ادهني بالفرشاية بشوية زبدة دايبه وسكر وجوز وقرفه رشي كمية وفيرة فيكِ تعمليا باي حشوة حلو
قشطة و عسل و مكسرات او كاسترد
اطوي طرفين القرص للنص و ادهني و رجعي اطوي الطرفين البقيانات صار عندك مربع
احمي صينية او طواية تيفال منيح عالغاز و حطيا فيا
رح تنتفخ شوي و تلاحظي كيف بتستوي
اقلبيا مشان يستوي الوش لازم تشقر شوي من الطرفين وبالهنا يارب