المكونات : كيلو ونص ربيان حجم كبير طازج +اربع حبات بصل مقطوعين جوانح +فلفل ملون مقطوع جوانح انا استخدمت الاحمر والاخضر والبرتقالي +ثوم مهروس وزنجبيل مهروس + اربع ملاعق طعام طحين وملعقتين طعام نشا + ملعقه وسط كاري وملعقه وسط بابريكا و ملعقه وسط فلفل احمر مجروش + وكوبين ملفوف ابيض مقطوع شرايح خفيفه
الصلصه : ملعقتين طعام نشا وربع كوب خل ابيض وملعقتين طعام سكر بني ونص كوب كاتشاب وربع كوب صويا صوص مالحه وملعقتين طعام صويا معتدله نخلط كل المكونات ونخليه على جنب
الطريقه : نتبل الربيان بشوية كركم وملح وفلفل اسود ونخليه نص ساعه وتالي نغلف كل حبه بالطحين والنشا ونقليه بالزيت ونشيله على جنب وبمقلاه نحط شوية زيت من الزيت الي قلينا فيه الربيان ونحط نص كمية البصل والثوم والزنجبيل ونحمسهم عدل وتالي نضيف الكاري والبابريكا و فلفل احمر مجروش ونضيف نص كمية الفلفل الملون و نص كمية الملفوف ونقلبهم شوي ونضيف عليهم الربيان والصلصه وربع الي نص كوب ماي ونخليه خمس دقايق هلى نار هاديه ونطفي عليه ووقت التقديم نسخن ماعون التش تش الحديده على النار ولازم يصير حامي وتال نرشه بزيت بخاخ ونحط عليه بقية البصل والملفوف والفلفل الملون ونخلي عليه الربيان وننثر عليه بصل اخضر ونقدمه مع رز ابيض وبالعافيه