بانكيك بالفرن
  • 8
  • Loading
  • 0
  • الأربعاء, 22 سبتمبر, 2021 - 11 , مساءً
  • التقييم:
الطريقة و المقادير

・・・
بانكيك بالفرن 🥞
(لفوا الصورة عشان تشوفون فيديو الوصفة)
هذا البانكيك لاحظت إنه صاير هبة هالسنة في المواقع الأمريكية والبريطانية مع إنه من ٢٠١٧ أعتقد نزلت فكرته 🙄
حبيت أشارككم طريقتي وجربوه لأنه سهل وتغيير عن المعتاد👍🏻
.

المقادير:
المقادير الجافة:
2 كوب دقيق
2 ملعقة طعام سكر
1 ملعقة شاي بيكنج باودر
1/2 ملعقة شاي بيكنج صودا
1/2 ملعقة شاي ملح

المقادير السائلة:
2 كوب لبن (مو حليب)
3 ملاعق طعام زبدة مذابة
2 بيض
1 ملعقة صغيرة فانيلا

الطريقة :
1- يسخن الفرن على حرارة 450 فهرنهايت =230 سيلزيوس – وتجهز الصينية بورق الزبدة وتمسح بالزبدة أو الزيت.
2- نطلع اللبن قبل بساعة حتى تخف برودته أونحميه بالميكرويف تقريبا 35 أو 40 ثانية أو حتى يصير فاتر لكن مايكون ساخن انتبهوا. نضيف عليه الزبدة والبيض والفانيلا ونخلطهم.
3- نخلط المقادير الجافة مع بعض ثم نصب عليها خليط اللبن ونخلطهم مع بعض ومانطول بالخلط (عادي يكون فيه تكتلات)*
4- نصبه في الصينية ونوزعه جيدا ثم تخبز لمدة 15 ل25 دقيقة أو حتى تشوفون حواف البانكيك بدأت تشقر ..وبعد أن تشقر نحمرها من فوق .
5- بعد ماتتحمر نطلعها من الفرن ونمسح السطح مسخ خفيف بزبدة (يعطي طعم أحلى ويطري البانكيك ) وممكن أول ماتطلعونها من الفرن تسقونها بشيرة البانكيك أو شراب القيقب أو العسل ,, أو تنتظرون بعد التقطيع و عند التقديم تقدمون معها السيرب وتزينونها حسب رغبتكم .
.
اضافة:✨

ممكن تسوونها ماربل يعني نصف الخليط أبيض ونصف شوكولاته وممكن ترشون سطحها قبل تدخل الفرن بالتشوكلت تشبس أو الفواكه .
تقدرون تسوونه بالوصفات المتعودين عليها للبانكيك وممكن تستخدمون خليط بانكيك جاهز حسب رغبتكم.
الأفضل يخبز على حرارة عالية حتى يخلص بسرعة ومايطول في الفرن وينشف ..وعشان نحاكي البانكيك العادي أقصد إنه يخبز بسرعة بالمقلاة ومايطول.
ممكن تستخدمون أي صينية وحجم الصينية يعطيكم السماكة اللي تحبون ..وعشان يعطيكم السماكة القريبة من سماكة البانكيك استخدموا مع هذه الوصفة قالب نفس أو قريب لمقاسات القالب اللي استخدمت ..
12×17 انش

..
وبالعافية♥️ نقلا عن afofa

الاضافة الى ذلك، يمكنك هنا تعلم افضل المقبلات

الوسوم: