توفي منزلي
  • 11
  • Loading
  • 0
  • الأحد, 19 سبتمبر, 2021 - 3 , مساءً
  • التقييم:
الطريقة و المقادير

توفي منزلي
@reem__alyafai
توفي منزلي بطريقه سهله جداا وأن شاء الله مظبوطه
ومذاقها حلاوه بقر 😁
يستخدم ل التزيين وحشو الكيك والحلويات 🌸
شوفو الصوره الثانيه ل كيكه حشيتها وزينتها بالتوفي
نحتاج ل :
كوب سكر
علبه قشطه ضروري جدا بحراره الغرفه ماتكون ب الثلاجه
علبه حليب الشاي المبخر
رشه فانيليا
🌸
نجي ل الطريقه :
اول شي يستحسن الوعاء الي بنسوي فيه التوفي يكون ثقيل عشان السكر يأخذ وقته ب الذوبان ومايحترق بسرعه والنار تكون مخفظه على طول
🌸
نشغل النار ونتأكد ان الحله الي بنسوي فيها التوفي ناشفه نسوي كوب السكر ونخليه يذوب من نفسه بدون تحريك
لين نشوفه ذاب بالبدايه اللون بيكون فاتح نحرك بحذر
ونشوف اللون بدء يتغير والسكر اتكرمل نسوي القشطه
ونحركهم وبنشوف السكر اتكتل
مو مشكله نضيف نص علبه الحليب ورشه فانيليا ونششوف السكر خلاص رجع يذوب ونضيف باقي علبه الحليب ونخليهم على النار قليل ونطفي
🌸
نتركه يبرد وتسويه ببرطمان ب الثلاجه لوقت الإستخدام واذا شفنا القوام ثقل نضيف قليل حليب ونحرك كويس
ووقت التزيين عشان يطلع الشكل مظبوط
نسوي التوفي في كيس حراري صغير ونعمل فتحه صغيره بالمقص بطرف الكيس ونزين حسب الرغبه

 

الاضافة الى ذلك، يمكنك هنا تعلم افضل المقبلات