عجينه لكل شي من مطبح كويتيات
  • 21
  • Loading
  • 0
  • السبت, 7 أغسطس, 2021 - 2 , صباحًا
  • التقييم:
نصائح

عجينة لكل شي .. 👌🏻
المقادير :
٣كاسات طحين
كاس وربع ماي
ملعقه كبيره خميره
٢ ملعقه كبيره سكر
ملعقه كبيره باكنج باودر
٣ ملاعق كبيره حليب بودره
رشه ملح
ربع كاس زيت
الطريقه :
تخلط المقادير مع بعض وتترك ل تتخمر لمده نصف – ساعه ونسوي فيها اللي نبي فطاير -بيتزا- خليه النحل
هنا سويتها بيتزا ،،اخذت قطعه كبيره من العجين وفردتها بيدي في صينيه البيتزا المخرمه وخليت الحواف اسمك شوي من الوسط ونحط من داخل خضار او دجاج او لحم اللي نفضل تترك بعد التشكيل لتتخمر لمده عشر الى ربع ساعه قبل ماندخلها الفرن في هالاثناء يكون الفرن يسخن ع درجه ٢٠٠
ندخل فيه البيتزا او الفطاير ونحسب وقت ١٠ دقايق -١٢ دقيقه فقط اول تحت بعدين تتحمر ماتطول اكثر من هالوقت ولا بتكون الفطاير جافه طبعا اتكلم عن الفرن الكهربائي اول ماطلعها من الفرن احطها في حافظه واغطيها كذا خمس دقايق حتى تحافظ ع طراوتها ،،، صلصله البيتزا البيتيه
احط ثوم مهروس مع بصل مع شوي زيت مخلوط مع زيت زيتون
واحرك لين يذبل
اضيف الطماطم والفلفل الاخضر ومعجون الطماطم
والملح و رشه سكر تكسر حموضه الطماطم
وبهارات البيتزا اذا ماعندك حطي بهار ايطالي ( زعتر بري )
كركم ،كاري ، باربيكا وشوي كاتشب ( انا استبدل الكاتشب بصلصله بيتزا جاهزه ) بعدين اخلطهم في الخلاط لين تنطحن وتختلط كل المكونات عدل
وارجعها ع النار من جديد تتسبك وبس اخليها تبرد قبل ماستخدمها ع العجين
اثلج البقيه واستخدمه في المرات الجايه #معجنات_warooody

تستمتعين بافضل المشروبات اللذيذة

الوسوم: