مطبق فلسطيني ؛
المقادير:

3كاسات طحين

ملعقة ص سكر + ملعقة ص خميرة (نفورهم بشوية ماء فاتر)

فنجان قهوة زيت زيتون

ماء فاتر حسب الحاجة

الحشو :

الكثير من زيت الزيتون
أي مكسرات ترغبي فيها

انا حطيت جوز هند مع جوز وقرفه وسكر
وفستق حلبي (او جبنة مورزليلا مع جبنة حلومي نبشرهم وبحط عليهم بصل اخضر مفروم مع حبة البركة ونعناع ناشف وزعتر وفليفلة يابسه)

او فيكي تحشيها (قشطة مع عسل وقرفة) انت واختيارك
الطريقة :

نعجن العجينة حتى تكون متماسكة ونغطيها ثم نتركها ترتاح نص ساعة

وبعدين كوري العجينة كرات واتركيها ترتاح نص ساعة تانية

وبعدين رقيها رفيعة يعني رقيقة كتير وتكون العجينة دائرية ورشي عليه من 2ألى3 ملاعق كبيرة زيت زيتون
ينفع تسوي شوي سادة بس بزيت
او زيت محشي بالمكسرات
او جبنة او قشطة
وبتطبقيها على شكل مستطيل بعدين تفردي عجينة دائرية وتحطي المستطيل فيها وتطبقيها من جديد والمستطيل فيها وكل ما كثرتي الدوائر كثر معك التوريق بعدين نحطهم بصينية الفرن
بنكون دهنينها بزيت قلي بتحمي الفرن عشان لما تشوي يكون الفرن حامي وما ينشف المطبق
وبتشوي المطبق من تحت ومن فوق بعد ما تصفيه بترتيب ف الصينية

في ناس بيحبوا بس يطلع من الفرن يرشوه بشوية مي عشان يبقى طري
بس انا ما احتجت الزيت كان مطريها
لو عملتي بالمكسرات
فيك تغمريهم بالقطر وخليه يتشرب على جنب وقدميه ساخن او بارد
مقادير القطر ( 3 كاسات سكر +1ونص مي+ رشة ليمون)

ملاحظة : فيكي تستغني عن الزيت وتعمليها بسمنة
او زيت زيتون مع زيت قلي