صباحكم /مساءكم مليان بالفرح والأمل
وصفه اليوم من مطبخ كويتيات

🥥كاسترد جوز الهند🥥

لا ما بستخدم البودرة، بعملو بنفسي والصراحة شتان بين طعمتو وطعمة الجاهز.🥥🥥🥥🥥🥥🥥🥥🥥🥥🥥🥥🥥🥥🥥🥥🥥🥥🥥
–
ممكن نفس الوصفة تعملوها حرفيا بأي نكهة بتحبوها، شوكولا، فستق، قهوة، فواكه، ماء ورد، زعفران….. الخ
–
المقادير:
–
🔹 كوب وثلث حليب جوز الهند، او عادي
🔹ثلث كوب كريمة( ممكن حليب بدالو)
🔹4 صفار بيض ( مافي طعمة بيض اطمنوا)
🔹3 ونصف ملاعق كبيرة نشا
🔹2 ملعقة كبيرة زبدة حرارة الغرفة 🔹نصف كوب سكر ورشة ملح 🔹فانيلا نوعية كويسة، او اي منكه من اختياركم
🔹اختياري، جوز هند غير محلى, ما حطيتو انا
–
🔸بسخن الحليب والكريمة على نار واطية، ازا عنا فانيلا حبوب السودا او العيدان منحط بذورها بهالمرحلة. –
🔸عبين ما تسخن، بجيب وعاء بحط فيه صفار البيض والسكر والنشا والملح وبخلطهم كتير منيح
–
🔸بس يسخن الحليب، مش يغلي، منشيل حوالي كوب ومنسكبو بالتدريييييج على خليط البيض اثناء التحريك،هالشي رح يضمنلكم ما ينطبخ البيض وحتكون النتيجة كريمة ناعمة وغنية
–
🔸منرجع الخليط كلو على النار حتى يغلي ويمسك، اول ما يغلي منطفي تحتو ومنضيف الفانيلا او اي منكه اخترتوه مع الزبدة
–
🔸منصفي الخليط بمصفى دقيق.
–
🔸سكبتهم بكاسات بس حطيت بيناتهم بسكوت، اختياري، وبردتهم قبل التقديم.
–
يالله ما اطيبها اوعدكم جربوها هيك مش الكسترد الجاهز وشوفوا الفرق
–
صحة وعافية سلف يارب
نقلا عن الشيف
ranoosh.recipes💕💕💕