.
🔹الحمام نظفته وغسلته وسلقته بماي وبصل فقط!! نص استوا .. يعني بعد الغليان بحوالي ربع ساعه وشلته علی حنب يبرد شوي
.
🔹بطبق جهزت تتبيله .. م.ص من 👈👈.. بابريكا .. ملح .. فلفل .. زنجبيل بودرة .. ثوم بودرة .. ثوم مدقوق .. بهار دجاج .. كزبرة بودرة .. هيل بودرة .. دارسين بودرة .. وزيت زيتوووون حوالي ربع كوب
.
🔹تبلت الحمام وصفيته ببايركس وصبيت باقي الخلطه الزايدة وحطيت قطعة زبدة صغيييييييرة علی كل فرد حمام
.
🔹غطيته بورق قصدير جيدا وحطيته بالفرن الصينيه بالوسط وحرارة 190 .. حوالي ساعه الا ربع او حسب قوة الفرن ونقلبهم بنص المدة .. واخر خمس دقايق نطفي الفرن ونشعل من فوق تاخذ وجه ويتحمر .. وتقدم مع ارز ابيض بالخضار .. وبالعافيه😊
.
اما حشو الفريك .. غسلت الفريك .. وقلبته بزيت عالنار وصبيت ماي فوح الحمام وغمرت الفريكه فوقهم بنص سانتي وبعد الغليان غطيت الجدر وقصرت النار لمن يستوي … حلاته يكون معبوج لاتحاتون اذا مو نثري
.
حشي الحمام وعقب دخلتهم الفرن

واما الفريكه كالتالي .. تنغسل عدة مرات وننقعها حوالي عشر دقايق
.
بالجدر نحط شوي دهن أيا كان .. ونشوح الفريكه لمن تتغلف بالدهن .. نحط ملح وفلفل اسود
.
ونصب عليها ماي يادوبك فوق مستواها بنص سانتي (ممكن استخدام ماء فوح الدجاج او الحمام او نستخدم مكعب ماجي)
.
اذا حابين الفريكه تكون معبوج يعني اقصد مخبصه شوي .. زيدو مستوى الماء
.
ونكمل نفس الرز .. بعد الغليان مباشرة نقصر النار عالااااخر ونغطي القدر (لاتنتظرو لمن الفريكه تشرب الماء) وبالعافية 😊👌
.
بالمناسبه اقولكم على سالفه .. امس طرشت هالصورة لشيف عبدالرزاق (بو بدر) عالواتس .. وطبعا منتظر يرد علي يقولي واو تسلم ايدك ومن هالكلام 😏
.
رد علي يقولي .. كلحه ليش مربط رجول الحمام مايصير .. قلتله معاك حق الصراحه انا ماكنت رابطهم وعند التصوير كرهت شكل الحمام ورجوله كل وحده بصوبى😂 فربطتهم 🙈
.
قالي لو من الاول انت حاط رجول الحمام بالداخل صوب العصعص ماكنت راح تضطر تربطهم 😏🙈