- 61
- 1
- الإثنين, 22 مايو, 2017 - 10 , مساءً
- التقييم:
الطريقة و المقادير
◾الطريقه بدون مقادير:
.
🔹بمقلى واسع نحط زبده ونشوح فيها قطع فيليه الدجاج عالصوبين لمن تتحمر عدل ونرش عليها فلفل اسود ونرفعها على جنب
.
🔹بنفس المقلى وممكن اضافة المزيد من الزبده .. نحط بصل وثوم ونقلبهم عدل
.
🔹عقب ننزل كوب مرق دجاج (لو ماعندكم ممكن نذوب مكعب مرق دجاج بشوي ماي ساخن) وننطر لمن يسخن
.
🔹نضيف ملعقه كبيرة طحين متروسه او ملعقتين وسط ونحرك لمن يذوب الطحين
.
🔹الحين نضيف حوالي نص كوب كريمه سائلة ونقصر النار للوسط 🚩 ما نبي الكريمه تغلي ويتغير لونها .. بس تسخين
.
🔹نضيف ملح وفلفل ابيض ونرجع قطع الدجاج ونغمرها بالكريمه ونضيف كزبرة فريش مفرومه ونضيف عصير نص ليمونه (مو مبين الليمون بالفيديو 🙈)
.
🔹الحين نضيف معكرونه شرايط (فيتوتشيني) نكسرها شوي ونضيف ماي زياده
.
🔹نغطي القدر (بهالمرحله ممكن اضافة جبن باراميزان مبشور .. ما انصحكم بالموتزاريلا ابداا)
.
🔹وعلى نار هادية يقعد حوالي نص ساعه ويمكن اكثر شوي .. وبالعافية
