كيفكم مع الاكل المكسيكي؟ 🌮 انا كتير بحبو وبحاول دايما ادخلو بأكلي، هالوصفة طيبة وبتشبع كتير يارب تعجبكم وقابلة تعدلوا فيها زي ما بدكم
نقدمها من مطبخ كويتيات

الطريقة:

🔹 على النار مع شوية زيت بحوس دجاج مقطع صغير مع رشة ملح وفلفل اسود ليصير لونو ذهبي وبعدين بشيلو عن النار
–
🔹 اضفت شوية زيت وحست بصلتين مقطعين مع حبة فليفلة حمرا مقطعة ورشة ملح ملح وفلفل اسود وبس ذبلو بضيف الثوم المهروس اختياري وبحرك
–
🔹 الصلصة اللي استعملتها هية ال salsa المكسيكية اللي بتنباع جاهزة، بتعطي طعمة الفاهيتا بطريقة مو طبيعية وجدااااا لذيذة، مووو نفس معجون الطماطم، صورتلكم شكل العلبة والقسم ملياااااان انواع، نصيحة اختاروا الحارة ازا بتاكلو حر، اضفت حوالي كوب الى كوب ونصف –
🔹 اضفت حوالي كوبين مرق دجاج مع كمون وثوم بودرة واوريغانو و(حر ازا بدكم)
–
🔹رجعت الدجاج على النار وتركتهم يغلوا حوالي عشرين دقيقة بعدين اخر شي اضفت الفاصوليا الحمرا والذرة وقدمتها بكزبرة على الوجه، وشيبس دوريتو على جنب
–
يالله ما اطيبها جربوها
نقلا عن الشيف
ranoosh.recipes❤️❤️❤️