Avatar
بابا غنوج
  • 7
  • Loading
  • 0
  • الأحد, 8 سبتمبر, 2019 - 9 , مساءً
  • التقييم:
الطريقة و المقادير

صباح /مساء الخير والبركه

🍆بابا غنوج 🍆

نقدمه لكم من مطبخ كويتيات

المقادير :

1. 3 باذنجان وسط مشوي

2. 1 طماطم صغيره مقشره ومقطعه ناعم

3. 2 ملعقه كبيره كزبره مفرومه ناعم

4. م كبيره دبس رمان

5. عصير ليمونه

6. ملعقه كبيره طحينه سايله

7. رشة ملح وفلفل اسود

8. حب رمان حلو الاحمر

الطريقه:

1. ندهن الباذنجان بزيت زيتون ونرشه بالملح وشوي بهارات ونقصدرهم كل واحده لحالها ونشغل الفرن الغاز اقصد العين العلويه

2. ونبدا نقلب الباذنجانه عليها ليما تلين ونحسها نضجت ونشتغل بالثانيه ليما نخلص بعد مانبعدها عن النار نكون مجهزين وعاء له غطاء او قدر نشيلها من النار بعد ماتنضج

3. نفك القصدير ونغطيها ليما نخلص بعدها نبدا نقشر القشره تبع الباذنجان وننتبه لاتنحرقون منها وبعدها

4. نقطعها مربعات ونحطهم بالخلاط مع باقي المكونات بس مانخلطه ناعم بس 3 خلطات حتى يكون خشن او نهرسه بالشوكه

5. الرمان والكزبره لاتضيفونه بالخلاط بس لما نطلعهم من الخلاط نضيفهم ونحركه بالملعقه حتى يندمجون مع بعض
الرمان حوالي 5 م ك رمان
وبعدها يبرد او يقدم الافضل بارد بصحن ونزينه بشوي زيت زيتون وكم حبة رمان وكزبره
تتهنوا فيه يارب
❤️وبالعافيه ❤️
نقلا عن الشيف ninalotus8🌹