المقادير:
1ونص كاس حليب سائل
2 بيضه
4كاسات دقيق كويتي
1 ونص ملعقه كبيره خميرة فوريه
ربع كوب سكر
1م ص ملح ثلث كوب زيت
او اي عجينه تضبطينها بس افضل تكون 3 اكواب دقيق او 4 اكواب

الحشوه :
جبنه بيضاء فيتا وبقدونس مقطع نخلطهم مع بعض او اي حشوه تحبيها

الطريقة :
نخلط المقادير الجافة سوا بعدين نظيف السوائل نعجنها حوالي 15 دقيقة انا اضفت لها شبت مقطع وبعدين غطيتها وتركتها تخمر ربع ساعة او نصف ساعه او ساعه
ونقطعها اربع اقسام
كل قسم نسوي منه 4 كور يعني تطلع عندنا 16 كوره ونغطيها علشان ما تنشف
نبدا نفرد الكورة الاولى وندهن وجهها بزيت الزيتون ونفرد الثانية ونحطها فوق الاولى وندهن وجهها بزيت الزيتون
برضه والثالثه والرابعة نفس الطريقه بس الرابعة ما ندهنها
وبتكون عندنا اربع طبقات ع بعض ونبدا نحشيها ونلفها زي السويسرول
ونقطعها بالسكين زي الصورة ونكرر الخطوات السابقه ليما نخلص
ونرصها في صينية مدهونة زيت ونمسح وجهها ببيض مخلوط معاه حليب سائل او بدون
ونرش عليها السمسم وحبة البركة وتخلينها ترتاح 10 دقائق وهي مغطاه بنايلون
وندخلها الفرن من تحت ثم إذا تحمرت نطفي ونشغل العين العلويه وتترك
لما تتحمر وتبين الطبقات
تتهنوا فيها يارب
🌹🌹