اشهر من نار على علم ما اعتقد شفت حد ما بحبها
–
المقادير: (ما أنصحكم الكمية كلها توزعوها بقالب واحد، الطريقة التقليدية قالبين منخفضين وتعملوهم كيكة وحدة بعد الخبز أو تقسموا الكمية بالنص وتعملوا قالب واحد صغير (حوالي 6 قطع) –
كوبين وثلث طحين
3 ملاعق كبيرة نشا
كوب ونصف سكر
2 ملعقة صغيرة بايكنغ باودر
ملعقة صغيرة بايكنغ صودا
رشة ملح وفانيلا
ربع كوب كاكاو منخول منيح
ربع كوب زيت نباتي
اصبع زبدة طري 100 غرام
3 بيض
كوب حليب (مخلوط معها ملعقة صغيرة ليمون حامض ومتروكين عجنب)
2 ملعقة صغيرة خل أو ليمون حامض (غير اللي مع الحليب)
ملون طعام احمر
–
الطريقة
–
بالخلاط منضرب الزبدة مع السكر ليصيروا قوام القشطة
–
منضيف البيض وحدة وحدة ثم منضيف الفانيلا ومنتاكد من تحريك الخليط منيح
–
منخلط المكونات الجافة مع بعض والسائلة كلها مع بعض
–
منضيف الخليط الجاف مع الخليط السائل بالتناوب على حوالي 3 دفعات أثناء على خليط الزبدة والسكر والبيض
–
مندهن القالب بالزبدة والطحين أو بالزيت (انا بستعمل ورق زبدة مقطع دائرة) ومندخل الخليط على حرارة 180، اخدت بفرني حوالي 25 دقيقة بس خليكم مراقبينها الأفران بتختلف ،بعود خشب فيكم تشيكوا
–
ما ترموا القبة اللي عراس الكيكة عند التقطيع، قصوها واطحنوها واستعملوها للديكور زي بالصورة 👆👆 أو خلوها أو تهنوا فيها طيبة بس ما تكبوها حرام –
كريمة الجبنة عبارة عن كوب جبنة كريمة + 3 إلى 4 أكواب سكر بودرة + 2 ملعقة كبيرة زبدة + حليب حسب الحاجة + فانيلا (اضربوهم بالخلاط ليوصلوا –
صحة وهنا