كبسة حايل ✨
الكبسه الحايليه يابعد حيي 💕
.
باللحم او الدجاج نفس الطريقه 📍📍 .
.
📍 الطريقه :
بصل مقطع صغار احمسه بزيت او سمنه اللي تفضلون انا حمسته بشوي زيت وحطيت البصل والبهارات العدله ( كزبره حب ، ورق غار ، عود قرفه بس مو كبير صغير يكون لان القرفه مع الدجاج كثرتها تعطي مراره، مسمار قرفنل ، هيل ، لومي ، بعد ما ذبل حطيت طماطم مقطع صغار ٥ دقايق احمسهم بعدها حطيت معجون طماطم ملعقه تقريبا حمستهم زين وحطيت شوي كركم وشوي صرار حايل وشوي بهارات مشكله ،ثم اضفت الدجاج او اللحم انا اليوم سويتها بالدجاج.
طريقتي بطبخ الدجاج (اول شي اغسله زين بالخل والملح او الدقيق والليمون ثم اسلقه ٥ دقايق فقط مع رشة كركم واكب الماء )
بعد كذا اضفت الدجاج وربع حبة فلفل رومي على البصل والطماطم وحمست الدجاج زين هالخطوه مهمه لان اذا حطينا الماء بدون مانحمس الدجاج مايعطينا نفس الطعم واللذاذه واسكر عليه الغطا ٥ دقايق كذا لما يتسبك كويس بعدها اضيف الماء الحار واخلي الدجاج يطبخ بعد ٢٠ دقيقه اضيف الملح الى مايستوي واخذ من موية الدجاج لطبخ الخضار في قدر ثاني اطبخ الخضار لحالها ( قرع ، بطاطس ، باذنجان ، كوسه ، جزر ، يصل صغار بدون تقطيع )بس القرع اضيفه اخر شي عشان مايذبل مره واقصر على الخضار وماننسى الملح .
اذا استوى الدجاج نحط عليه فلفل اسود وكركم ومعجون طماطم مع شوي موية الدجاج او موية الخضار و رشة زبده ونحمره من فوق بالفرن .
واكب الرز المنقوع بعد ماصفيته على موية الدجاج بس الافضل اشخلوه من البهارات العدله خذو ملعقتين او ثلاث من البصل والطماطم الذ يكون مع الرز . وبس
نسوي الكشنه حمست بصل بدون زيت ولا شي الى مايتغير لونه ثم اضيف الزيت شوي و مسمنه او ليمون اسود شوي وهيل شوي وقرفه شوي وبهارات مشكله شوي وملح ولو عندك منقوع زعفران حطي شوي منه والفلفل العلوب ورشة سكر حسب الرغبه . واحط الكشنه فوق الرز وانتظر الى مايستوي الرز .
وازين الرز بالصنوبر المحمر و باقي المكسرات والبصل المقلي. وبالعافيه