ربيان بصلصه

🍤كيلوين ربيان الاصل مايتنظف بس سلسلة الظهر انا حطيت كيلو كامل وكيلو القشر بالذيل
سلقته ٥ دقايق فقط مع شرايح ليمون تالي صفيته وخليته على جنب في ناس مايسلقونه مجرد تشويح عالنار ●
سلقت بجدر ثاني ذره + بيبي بطاط ( الكميه حسب الرغبه) تالي قطعت الذره حلقات ضعيفه وهالمكونين اختياري ●
🍤بمقلا وسيعه احط فيها ١٠٠ غرام زبده +
ملعقه كبيره بهار الكيجن ( بكتبه بآخر البوست ) + م ك ثوم مهروس + ٢ ملعقه كبيره بهار اولد بي ( لولو هايبر) صورته عالستوري + عصير ليمونتين + نص الى ثلاث ارباع كوب صلصة الجوانح + رشة ملح لاتبالغون بالملح لان البهار مالح والصلصه مالحه خليهم يتسبكون دقيقتين عالنار
اخذي جيس الشوي يفضل كل شخص له جيس حلو يتقدم فردي 🌽وزعي كل المكونات اللي جهزتيهم بالاكياس
الذره والبطاط وحطي الربيان والصلصه 🌽سكري الاكياس وقبل التقديم حطيهم بالفرن ربع ساعه
وفي طريقه ماتحطونهم بالفرن تطبخين الربيان بالسلق وتكملين باجي الخطوات وتخطلين كلشي مع بعض الخضره والصلصه والربيان ويقدم 🌽في ناس يخلون الاكياس لمجرد الخلط فقط وممكن تخلطين المكونات بوعاء كبير ويقدم □□ بهار الكيجن
٣ ملاعق كبيره كمون ناعم
٣ ملاعق كبيره اوريغانو
ملعققه كبيره ثوم بودر
ملعقه كبيره بابريكا
ملعقة شاي ملح
ملعقه شاي فلفل بودر حار
خلطيهم مع بعض ويحفظ في برطمان