رزامريكي بالسبانخ على طريقة نثري وناطع 🍛عالمقادير: * قلاص ونص رز امريكي مغسول * نص قلاص معكرونة لسان العصفور * كيس سبانج مجمدة
* فلفل احمر واخضر واصفر مفروم ناعم
* بصلة مفرومة ناعم * صدور دياي مفيوحة ومسحبة
* ماي سلق الدياي * جبن موزريلا * قفشة بهارات مخلوطة
* مكعب ماجي * ملح- فلفل اسود * فصين ثوم مدقوقين
* بالخلاط ( نص بصلة مع كوب ماي دياي وشوية فلفل اسود )
* الصلصة البيضا( نخلط علبة قيمر وعلبة كريما ونص قلاص جبن قلاص )

الطريقة :
* بالجدر نحمس معكرونة لسان العصفور لين يصير لونها بني فاتح تالي نحط فوقها العيش الامريكي ونحمسهم مع بعض تالي نصب فوقها ماي الدياي ونخليها لين يستوي العيش.
* بمقلا نحط شوية زيت ونحمس فيه البصل وبعدين نضيف فصين ثوم مدقوقين ومكعب ماجي تالي نحط السبانخ ونحمسها عدل تالي نحط فوقها الدياي المسحب وبعدين قفشة بهارات مخلوطة وملح وفلفل اسود .
* بعدين نحط الفلفل الالوان ونحمسهم عدل تالي نصب فوقهم خلطة البصل اللي خلطناها بالخلاط ونحمسهم عدل مع بعض .
* بماعون للفرن نحط طبقة من العيش وفوقها طبقة من الدياي بالسبانخ نرش على الوية جبن موزريلا وفوقها الصلصة البيضا وندخلها على الفرن تتحمر وبالعافية💕