عجينتي لكل شي
كاس ماء دافي
م ك خميره فوريه
م ك بكنج باودر
ربع كاس زيت
٢ م ك سكر
٢ كاس دقيق ابيض اعجنيها واذا احتاجت اضيفي زياده
هنا ضاعفت الكميه سويت سينامون وخلية نحل وساندوتش كودو وخيار وجبن ،، العجينه ماتطول في التخمير نص ساعه تقريبا
اهم شي الماء يكون دافي مو حار عشان مايخرب الخميره ،،
السينامون اذا فردتيه ورشيتي عليه الزيت او الزبده والسكربني او الابيض والقرفه الفها رول واقطعها وبصينيه اصفها ،، سويت صينيتين وحده ساده والثانيه اضفت لها ورق زبده وصبيت عليها الخليط توفي و م ك قرفه وجوز البيكان وحليب سايل ،، الافضل كوب سكربني وكريمة خفق الصغيره وم ك قرفه وجوز البيكان واصبها في الصينيه واصف فوقها السينامون ولازم ترتاح قبل الفرن ،، ويكون الفرن مشغل قبل .
الصوص الابيض اول ماتطلع من الفرن يكون جاهز ولو بارد افضل ( ٦ حبات جبن كيري او علبة جبن فيلادلفيا وكيسين دريم ويب) والصوص توفي وشوكليت
وبالعافيه 💙
.. العجينه المالحه سويت كور تقريبا كبر البيضه وادهنها بحليب سايل وبسكينه اسوي خطوط ورشة سمسم واخليها ترتاح وبالفرن ،،
الثانيه اخذ قطعه حجم البيضه وافردها وادهنها بزينت واسكرها وبالفرن فقط تتحمر من تحت واذا طلعتها اخليها تبرد واحشيها جبن وخيار وطماطم وباالة توست وبالعافيه 💙 ..