عيش السرايا

المكونات : ٩ قطع توست نحطهم بصينيه ونحمصهم بالفرن او بالتوستر وتقدرون تستخدمون الشابوره
لعمل الكراميل : كوب سكر + كوب ونص ماي
لعمل المهلبيه : كوبين حليب سائل كامل الدسم + ٣ ملاعق طعام نشا + ٣ ملاعق طعام حليب نستله المحلى او حسب الرغبه الي يحب انها تكون حاليه تزيد من الحليب المحلى
علبة قشطة كي دي دي الصغير او علبة قيمر
ملعقه صغيره ماء زهر او ماء ورد
للتزين : فستق مطحون
الطريقه : لعمل الكراميل نحط كوب سكر في جدر على النار ونخليه على نار وسط لين يتكرمل ونحصل على لون الكراميل بدون ما يحترق ثم نضيف كوب ونص ماي مغلي شوي شوي ونخليه لين يذوب السكر ونخليه على جنب
لعمل المهلبيه : نخلط كوبين حليب سائل كامل الدسم مع ٣ ملاعق طعام نشاء ونحطه على النار مع الاستمرار بالتقليب لين يثقل ونطفي النار ونضيف القشطه او القيمر وماي زهر وماي ورد ونخلط عدل ونخليه على جنب
نطحن التوست عقب ما نحمصه ونخلطه مع الكراميل ونجهز اكواب فرديه او طبق بايركس ونحط شوي من خليط تلتوست مع الكراميل في الاكواب ونحط فوقه المهلبيه ونزينه بالفستق وندخله الثلاجه يبرد لمدة ٤ الي ٥ ساعات واذا بتستعملون طبق بايركس لا يكون كبير يفضل يكون مقاس وسط حطو طبقه من خليط التوست وفوقه طبقه من المهلبيه وزينوه بالفستق والورد المجفف ودخلوه الثلاجه وقدموه بارد وبالعافيه