لاتيه كيك ❤️☕️🍰
  • 163
  • Loading
  • 0
  • السبت, 21 يوليو, 2018 - 11 , صباحًا
  • التقييم:
الطريقة و المقادير

لاتيه كيك ❤️☕️🍰
الذ كيكة لاتيه ذقتها لحد الان
لذيذه بشكل ما ينوصف وحلاها مايغث ابداً .
هالمره جربتها بوصفه اسهل بديله
عن الوصفه السابقه بسكوت جوي الاندونيسي لبسكوت اولكر
والطعم مايفرق واجد .
✨ | الطريقة :
-تاخذون مغلف قهوة سريعة التحضير ( نسكافيه ) وتخلطونه مع كوب حليب بارد .
بعدها تقسمون القهوه البارده لقسمين واحد للصوص الابيض + و واحد للتغميسة
بسكوت اولكر عشان يطلع طعم القهوه فيه ناقع .
بعدها تجيبون الصينيه
وتبدون تغمسون بسكوت اولكر وتصفونه بالصينيه .
بعد ما توزعون البسكوت والطبقه الاولى نجي الحين -للطبقه الثانيه : واللي هي عباره عن (علبتين قشطة بوك + نص علبه نستله + مغلف دريم ويب + مغلف كريم كراميل + قهوه بارده )
بعد ماتخلطونهم في الخلاط تبدون توزعون الخلطه على البسكوت
وترجعون تكررون الطبقات لـ ٤-٥ طبقات من البسكوت والصوص
واخر طبقه ( الواجهه ) تنخلون فيه بسكوت مطحون . و تتركونه بالثلاجه
اقل شي ثلاث ساعات ” الكيك كلما صار ابرد كلما صار اطعم معاكن ، وكلما طولتوا بالمده نقع طعم القهوه فيه ”
وبالعافيه عليكم مقدماً