وهذي عجينتي استخدمها لكل المعجنات خصوصاً في رمضان اعملها وعاد احشيها بالحشوات الي تحبوها 👍😋
عجينتي لكل المعجنات
٤ كاسات دقيق
٣ ملاعق حليب بودر
٤ ملاعق روب
ملعقه كبيره سكر
ملعقه خميره فوريه
ملعقه باكنج بودر
رشة ملح
٣ ملاعق سمن قودي الابيض او زيت
المويه تكون دافيه واضيف على دفعات ًتقريباً تاخذ كاس مويه واعجنها الين ماتتلم معايا العجينه .
اهم شي تخليها تنعجن مضبوط سبعه دقايق .
واجيب زبديه اضيف شوية زيت واحط العجينه فيها وادهن وجه العجينه بشوية
زيت واغطيها بنايلون واخليها تختمر ساعة زمان .
بعد ماتختمر العجينه اخد نص منها وافردها على شكل مستطيل واقصها مستطيلات طوليه والف كل قطعه على القمع والي ماعندها قمع تسويها بالقصدير
وبعدين اخلط صفار بيضه مع شويه حليب وادهن وجه العجينه وارش سمسم وحبة البركه واخليها عشره دقايق
اسخن الفرن من تحت ٢٥٠ درجه وبدين ادخل الاقماع وتتحمر من تحت وبعدين
من فوق
ولمن تبرد احشيها لبنه 👆👆مثل الصوره ❤️❤️❤️
وبالنسبة للسينابون 👌😘❤️
افرد العجينة على شكل مستطيل وادهنها زبدة طرية وبعدين ارش سكر بني وقرفه
والفها على شكل اسطواني واقطعها دوائر وفي صينية الكب كيك احطها وعلى فرن ساخن من تحت فقط تتحمر
اخرجها من الفرن واسقيها حليب مكثف مخلوط مع جبن كيري