- 30
- 0
- الجمعة, 12 مايو, 2017 - 7 , مساءً
- التقييم:
الطريقة و المقادير
omhanan60مساكم الله بالخير حبايبي الفلورز
سويت امس لقيمات على طريقتي وهذي طريقتها
ثلاث علب روب زبادي قليل الدسم بدرجة حرارة الغرفه يعني مو بارده من الثلاجه وملعقة طعام خميره فوريه او كيس واحد من الخميره الي بالصوره مذوبه بكوب ماي دافي وثلاث اكواب طحين ابيض وملعقة طعام نشا وهيل وزعفران
نحط الخميره المذوبه في ماعون ونضيف عليه الزبادي وهيل وزعفران ونخلطهم عدل وتالي نحط الطحين بالتدريج وملعقة طعام نشا ونخلطهم عدل واذا شفتوها خفيفه زيدوها شوية طحين ولازم قوامها تكون لا خفيفه ولا ثقيله وغلفوها وخلوها تختمر ساعه الي ساعه ونص
تالي تقلونها بزيت حامي على نار هاااادية وتستمرون في التحريك عشان يكون اللون متساوي وبعد ما تبرد نضيف لها شيرة باردة وثقيلة
وبلعافية
