‘
🍃الملوخية مع الرز والدجاج المحمر:🍃
———————-
من الاطباق الي احبها واعشقها واحب اجربها بكل مكان ،يميزها قوامها الثقيل وانها ما تكون الملوخيه فاصله عن المويه وطعم الثوم الخورافي فيها، تابعوا الوصفه تحت وراح تذوقون احلا ملوخيه. ———————
.

الطريقة: ———————- *نسلق الدجاج بالقدر الكاتم مع بصلة مقطعة مربعات وفصين ثوم مع قشرهم وبهارات السلق( مسمار هيل عود قرفة) لمدة ١٥-٢٠ دقيقة حسب حجم الدجاجة.
.
———————
.
*نشيل الدجاج ونحمره بالفرن بالخلطة التاليه (شوي من مويه السلق ،معجون طماط ،ملح،لون الزعفران).
.
———————
.
بقدر ثاني نحط زيت مع الرز المنقوع والمويه والملح وعلى نار عاليه ونضيف الفلفل الحار والبارد لين تنشف المويه ونقصل عليه لمده ٢٠ دقيقه.
.
———————
.
*نحط فوقه من مويه سلق الدجاج و نكتمه ٢٠ دقيقه اول شي على نار عاليه لين يصفر ونقصر عليه.
.
———————
. *نفرم الملوخيه باحدى الطريقتين اما بمحضره الطعام او باداه فرم الملوخيه وهي افضل واطعم. .
———————
.
*نحط الملوخيه بقدر ونحط عليها شوي من مويه سلق الدجاج واهم شي تكون ثقيله وما نكثر مويه.
.
———————
.
*نخليها تغلي غلوة وحده بس. .
———————
.
*نجيب ٣ فصوص ثوم مفرومة ونحطها بمقلى صغيره مع زيت ونحمرها شوي ونحط عليها كزبره (التقلية) ونحط شوي من الملوخيه فوقها وبعدها نرجعها للقدر ونحركها ونرفعها عن النار.
.
———————
.
*ونجهز الرز والدجاج والملوخية على السفره وبالعافيه.