تشيز كيك النسكافيه طعمها روعة 😍
طبعا المقادير نفسها ممكن اعمل منها تشيز كيك عادي بس بنشيل النسكافيه

طبقة البسكويت
2 كوب بسكويت مطحون
نصف كوب زبدة مذابة
2م.ك نسكافيه
نخلط البسكوت والزبدة والقهوة منيح ونحطهم بقالب تشيز كيك الحجم الصغير ونكبسهم بايدنا منيح وندخلهم الثلاجة لمدة نصف ساعه لحتى يتماسك البسكويت

الحشوة
ربع كوب ماء ساخن
2م.ك جيلاتين سادة
300 جرام جبنة كريمي تكون بحرارة الغرفة لمدة لا تقل عن ربع ساعة
2م.ك سكر بودرة
نصف كوب حليب محلى
نصف كوب حليب مكثف
1كوب كريما سائلة
بوعاء نخلط الجيلاتين والماء الساخن لحتى يدوب الجيلاتين وممكن تكون المي عادية ونحط الجيلاتين معها ونخلطهم سوا ع نار هادية لحتى يتجانسوا بس ما بدنا يغلو ونتركهم على جنب..
بالمضرب الكهربائي نخلط باقي المكونات وبس يتجانسوا بنضيف عليهم خليط الجيلاتين وبنقلب باليد وبنضيف الخليط ع البسكويت وممكن نرش نسكافيه على الوجه قبل ما ندخلها الثلاجة لو حابين طعم النسكافية يبين اكتر وكمان بتعطي شكل حلو وبندخلهم الثلاجة لعدة ساعات لحتى تتماسك … لو حابة تزينيها بكريما ممكن تعملي كريمة النسكافيه مقاديرها :
1 كوب كريما سائلة
2م.ك بودرة
ربع كوب نسكافيه او اقل حسب الطعم اللي بتحبيه
بالخلاك بضرب الكريما والسكر البودرة لحتى تبلش تصير سميكة بضيف النسكافيه وبكمل خلط حتى تسير قوام الكريما هاد لو حابة كل النسكافيه يدوب بالكريما … لو حابة يكون في حبيبات نسكافيه مع الكريما بنضيف النسكافيه بالاخر بس تتماسك وبتقلبو شوي معها وصحتين