ميني خبز التايقر الهولندي ~
.

المقادير :

عجينتك المعتمده هذي العجينه المعتمده عندي بدون تخمير :

العجينه :
كوب ونصف دقيق
ملعقه كبيره ونصف حليب بودره
ملعقه كبيره ونصف زبادي
ملعقه صغيره خميره فوريه
ملعقه صغيره باكنج باودر
رشة ملح
ملعقه كبيره سكر
ملعقه كبيره زيت
نصف كاس ماء دافي يضاف بالتدريج يمكن تحتاجون اكثر شوي
ننخل النواشف ثم نضيف الزبادي والزيت و الماء
ونعجن حتى تتجانس ونبدا فيها على طول بدون تخمير
للتغطية:
ربع كوب دقيق الارز
رشة ملح
نصف ملعقة كبيرة زيت
نصف ملعقة كبيرة سكر
نصف ملعقة كبيرة خميرة فورية
ربع كوب ماء

الطريقه :
نجهز عجينتنا وبديت بخليط التغطيه لانه يحتاج تخمير ربع ساعه حتى يتفاعل اذا صار ثقيل مثل ماهو واضح بالصوره نزود شوي ماء حتى يكون سايل ومناسب للصب ومايكون سايل مره
بعدها ناخذ العجينه واكورها اذا تحبين تحشينها ثم تكورينها يكون افضل لك او اذا تبين تسوينها كور بعد ماتخلصين منها تفتحينها وتحشينها براحتك لك حرية الاختيار وكلهم حلوين
جهزت الكور وخليتهم ميني حتى يكون شكلها مناسب لتقديم على الفطور
اخذ مقدار من الخليط واوزعه على كل قطعة عجين
حطيتهم بالفرن من تحت حتى تحمرت ثم من فوق وراح تلاحظونها راح تتشقق ويبين انها كنها تايقر درجة التحمير ترجع لذوقك
نقصصها بعد ماتبرد ونحشيها باي حشوه تحبونها راح تكون ريحتها خميره اول ماتطلعينها بس بعد ماتبرد راح تروح الريحه لاتهمكم
تتهنوا فيها يارب
دعواتكم 🌹