عيش السرايا الملوكية الكلحاويه 😉
•
🔸خلال ربع ساعه بنزل الطريقه بفيديوين اثنين ان شالله .. الوصفه جدا سهله ومكوناتها متوفرة في الغالب
.
🔸نحتاج للقاع .. توست .. وشيرة .. وحليب .. واختياري كيس الكراميل الموجود بعلبة الكريم كراميل
.
🔸نحتاج لطبقة المهلبية .. حليب .. ونشا .. وسكر ومطيبات
.
🔸للوجه نحتاج .. شعيرية باكستانية ناعمه .. شوي شيرة وماء
.
🔸بس بكتبها وانزلها علطول خلال ربع ساعه

💡الطريقة كالتالي:
.
◾تحضير الشيرة والقاعدة:
🔹استخدمت كيس الكراميل الاسود اللي يجي بعلبة كريم كراميل .. وخلطت معاه شيرة عاديه وشوي حليب (بدون مقادير معينه عالنظر المهم ان لااا يكون المزيج سائل كثيرا)
.
🔹الحين انزع اطراف التوست واصفهم بالبايركس او بطبق التقديم .. في ناس تعمل طبقه توست وفي ناس تحبها سميكه وتسوي طبقتين .. المهم واصب على التوست خليط الشيرة اللي جهزناه

◾تحضير المهلبية:
.
🔸نص لتر حليب سائل نضيف 3 ملاعق كبيرة نشا + 3 ملاعق كبيرة سكر أو حسب الرغبه تضيفون سكر
.
🔸علی النار حتی يغلي وبس يبدأ يثقل نضيف عدد 2 ملاعق كبيرة قشطة أو قيمر ومعاها المطيبات وهي 👇👇
.
💡 2م.ك ماء ورد+ 2م.ك ماء زهر (وممكن شوي مستكه اختياري)
.
🔸نصب المهلبية فوق التوست ونخليه برة لاتدخلونه الثلاجه .. خلوه يبرد بالاول بعدين حطوه بالثلاجه .. علشان السطح لايتشقق
.
🔸ولمسةاختيارية عالوجه انا حمصت شعيريه ناعمه باكستانية بمقلاه مع شوي زبده وينفع بدون اضافه زبده ولا حتى زيت .. ولا شي ترى ينفع
.
🔸وبس احمرت او اشقرت اضفت عليها شيرة عالنظر حوالي 3 ملاعق كبيرة .. قلبتها وصفيتها من زوائد الشيرة وزينت فيها طبق عيش السرايا
.
🔸اذا تحبون الشعيرية يابسه نفس البقلاوة اعملوها مثل ماقلت لكم فوق☝ أما اذا كنتو تحبونها طرية نفس البلاليط فقبل اضافة الشيرة .. اضيفو شيرة مخففه بماء زايد شوي .. وبالعافيه