أوراق السبانخ تفرم خشن وتغسل جيداا .. وطريقة غسل الورقيات بشكل عام حسب رأيي كالتالي:
تغمر تماما بالماء .. بدون مانحركها .. فقط نضغط عليها براحة اليد عدة مرات .. نخليها خمس دقايق
.
الاتربة وزنها ثقيل وراح تنزل للقاع .. بعدها نرفع الورق بهدوء علشان لانثير الاتربه .. بأصابعنا نرفع الورق ونضعه بالمصفاة

🔸بجدر عالنار أحط زيت زيتون .. انا خلطت نباتي بزيت زيتون .. قلبت بصل فرم نااعم حتى يذبل
.
🔸نزلت قطع اللحم (استخدمت قطع صغيرة يسمونها راس عصفور) وعادة أسويها بلحم مفروم بس حبيت أغير شوي
.
🔸نقلب اللحم حتى يتغير لونه وينضج للنص .. أحط ملح وفلفل أسود وأحيانا احب احط كزبرة بودرة
.
🔸الحين انزل ورق السبانخ المغسول ومصفى من الماء جيدا
.
🔸اقلب الورق جيدا .. راح يطلع منه الماء ويذبل مع الاحتفاظ بلونه

🔸الان اضيف ربطة كزبرة فريش فرم ناعم .. وخمس حبات او اكثر ثوم مدقوق ناعم وانا ايضا احب اضيف عصير ليمون (حوالي بحجم استكانه)
.
🔸نقلب الجميع واضيف ماء حسب الرغبه .. ناس تحب مرقتها كثيرة وناس العكس .. وبهالمرحله نضيف كوب الى كوب ونص حمص حب مستوي جاهز (نسيت اصورها)
.
🔸نقصر عالنلر ونغطي القدر ونخليه عالنار نص ساعه ويصير جاهز للتقديم مع ارز ابيض وبالعافيه 😊👌