🔹اول شي نجهز الصلصة وبكل بساطه وبدون تقيد بالمقادير .. نحط بمحضرة الطعام التالي:
.
🔸قطعة زنجبيل وحبتين ثوم
🔸طحينة (هرده) حوالي نص كوب
🔸 3 ملاعق تقريبا من صلصة مشروم الفريدو (ام اف) وهي خلطة لصلصة فيها مكس اجبان وفطر مفروم طعمها رائع مع هالوصفه

🔸خل بلسميك واذا ماعندكم عادي حطو خل احمر حوالي ملعقتين
🔸عصير ليمونه واحده
🔸فلفل ناشف مجروش (اختياري)
🔸فلفل وكمون وبهار سمك مشكل (الملح خلوه بالاخر)
🔸شوي شبنت وكزبرة فريش
🔸ماء نخفف فيها الصلصة بحيث تكون لزجه بس مايله للسيوله
⚠ ممكن اضافه ملعقة لبن زبادي او كريمه حامضه 😋
.
🔹نشغل المكينه تررررررررر لغاية ما يتجانس الخليط

.
🔹استخدمت سمك فيليه مثلج .. ذاب تماما .. نشفته من السوائل بالمناديل الورقيه .. وحطيت عليه التالي:
.
🔹بدون مقادير .. ليمون وبهار سمك وملح وفلفل فقط … في ناس تحب تغمس السمك بشوي طحين ابيض (ممكن كيفكم)
.
🔹على النار بالمقلاه .. نشوح السمك دقيقه لكل وجه فقط تش تش .. لا تخلونه اكثر لانه يهتري .. غير جذي راح احطه بالفرن فلاتخافون انه يطلع مو مستوي
.
🔹المهم .. ارفع السمك واحطه بطبق البايركس .. وبنفس الزيت وبنفس اللحظه اسوي التالي:
.
🔹اقلب بصل .. مفروم جوانح او ناعم .. كيفكم .. تش تش .. بعدين انزل كوب مشروم (فطر) الافضل طازج .. انا ماكان عندي واستخدمت معلب تش تش
.
🔹بعدين انزل الصلصه فوقهم مق مق مق وبس تسخن ارفعها (لاتخلونها تغلي ياجماعه ترى تنشف وتصير يابسه)
.
🔹اصبها فوق السمك واحطها بالفرن بالنص واشعل الفرن فوق وتحت حرارة متوسطه لمدة ثلث ساعه وبالعافيه