.
مقادير وصفة قوارب الفلفل الحلو👇
.
حبة بصل كبيرة .. حبة طماطم كبيرة .. حبة بطاط مسلوقه وسط .. حبتين ثوم .. ربطة بقدونس .. حبة فلفل حار علوب
.
جميع ماسبق مفروم نااااااعم جداااا
.
بالاضافه الى شوية جبن بيضا فيتا .. ملعقه كبيرة معجون طماطم .. بهارات ملح فلفل بابريكا واي بهار تحبوه اختياري
.
وطبعااا المكون الأساسي .. فلفل حلو كبير شوي واختاروا اللون اللي تحبوه .. ماتفرق

.
🔹هالوصفه جدا سهله وتنفع لوجبة عشا .. او مقبلات ساخنه .. وفيها مجال كبير للتنويع والابتكار .. انا حشيتها بخضار واجبان ان شالله تعجبكم
.
🔹قلبت البصل بشوي زبدة .. وبس ذبلت نزلت الثوم .. ولمن تمازجوا جيدا نزلت الطماطم والفلفل الحار العلوب
.
🔹وبعدها البطاط المسلوق مسبقا .. معجون الطماطم .. وبعدين الجبنة البيضا فيتا .. واضفت شوي جبن بارميزان الايطاليه .. قلبت الجميع
.
🔹نزلت البهارات والملح (لاتكثروا ملح لان الجبنه فيها ملوحه) واخر شي البقدونس .. خليتها تبرد وحشيت فيها الفلفل

🔹جبت الفلفل الحلو .. اخترت حبة من كل لون .. قصيتها بالنص بشكل طولي
.
🔹دهنتها (رشيتها) زبده من الداخل والخارج (كخطوة اختياريه يفضل وضعها بالفرن عشر دقايق قبل مانحشيها) للحصول على قشرة فلفل مستوية زيادة
.
🔹حشيتها بالحشوة بعد مابردت شوي .. وما ترستها .. يادوبك على قدها .. حطيت عالوجه شوي جبن موزاريلا وممكن وضع جبن تشيدر اضافي
.
🔹بالفرن اشعلت من تحت فقط على حرارة 180 الصينية بالوسط .. خليتها نص ساعه لاني ابي الفلفل يستوي عدل
.
🔹اشعلت من فوق الفرن عشر دقايق .. وبالعافيه 😊👌