.
طريقة الشورما وطريقة الخبز❤❤ ❤️ الشورما :
صدر حبش أو دجاج مغسول بخل وبتقطعي شرايح رفيعة
وبتبليه قبل ٥ ساعات ع الأقل :
بصل مبشور
جزر مبشور
٤ م.ك لبن
٢ م.ك بهار شورما
رشة سماق
ملح
فلفل أسود
عصرة ليمون
وبتحطيها بالتلاجة ولما تعمليها بطلعي وبتحطي بالجريل وبترشي بهار شورما وبتحركيها سوا
وبتستويها بالجريل لحد ما ينشف المي ويتحمر
وبتجهزي سلطة الطحينية :
بالخلاط :
٣ م.ك طحينية ،١علبة لبن ،٢م. ك مايونيز ، قرن فلفل أخضر ، وليمون وملح وبتخلطيهم .. وبديري خلطة الطحينية ع الشورما وبتخلي صحن صغير جنب الأكل .
.
بتجهزي خبز الشورما /
٦ كاسات طحين،٢ م.ك حليب ،١م. ملح صغيرة ،١م. ك سكر، ثلث كاسة زيت زيتون ، ١ م.ك خميرة ٢كاسة ماء دافئ : أول شي بكاسة مية دافية بتحطي السكر وبتخليها خمس دقايق وبضيفي الخميرة وبتخليها ربع ساعة وبعدين بديري الطحين والملح وبتعجنيهم بمي دافية وبتقطعيهم وبترقيهم خميل شوي وبتخبزيهم بقلاية التيفال ع نار واطية
وبتجهزي الساوندويشات :
بتحشيهم الشورما والبطاطا وأي نوع من السلطة بتحبي تحطي معها وبتدهنيها بعد ما تلفي بفرشاي بزيت زيتون وبتدهني الجريل زيت زيتون ويكون الغاز واطي وتحطي الفراشيح وتضغطي عليهم بشي حتى يتحمر منيح ع الجهتين وبتقطعي زي ما بتحبي
او ازا بتحبي فيكي تعملي ع التوست ازا في كهربا وبتعملي جنب الشورما :
بطاطا مقلية
كاتشب