غريبه الفستق :
نعجن ٢ كاس طحين ، نص كاس فستق حلبي مطحون ناعم ، ملعقه ص هيل ، نص كاس سمنه ، ثلث كاس سكر مطحون نعجنهم لين ماتصير عجينه لينه متماسكة بحيث انك تقدرين تكورينه بسهوله
نكورهم كور صغيره لانها أحياناً تكبر بالفرن
ثم نحط فوقهم ورد محمدي
ندخلهم الفرن ١٠ د على فرن مسبق التسخين من تحت فقط نطلعهم من الفرن مانحركهم لين يبردون
ونصفه بصحن التقديم
وبالعافيه ..
”
”
غريبه النوتيلا :
نعجن ٢ كاس طحين ، نص كاس نوتيلا ، نص كاس سمنه ، ثلث كاس سكر مطحون ، ١ ملعقه ك كاكاو باودر
نعجنهم لين ماتصير عجينه لينه متماسكه بحيث انك تقدرين تكورينه بسهوله
نكورهم كور صغيره ونحط فوقهم حبيبات الهيرشي
ندخلهم الفرن مسبق التسخين ١٠د من تحت فقط
نطلعهم لين مايبردون ونصفه بصحن التقديم
وبالعافيه ..
”
”
غريبة اللوتس :
بالعجان او باليد نحط كل المقادير
كاسين طحين ابيض ، ثلث كاس سكر بودره ، نص كاس زبده اللوتس ، نص كاس سمنه
نعجنهم لحد ماتصير معنا عجينه لينه ومتماسكه بحيث انك تقدرين تكورينه بسهوله
اذا طلعت شوي قاسيه ضيفي ملعقه من زبده اللوتس
نكورهم كور صغيره ونحط فوقهم “بسكويت لوتس مكسر مربعات صغيره” ندخله الفرن ١٠ د على درجه حراره ١٨٠
من تحت بس تشقير خفيف
نطلعهم من الفرن نخليهم يبردون مانحركهم
ونحطهم بصحن التقديم
وبالعافيه …
”
”
غريبة الفول السوداني :
بالعجان او باليد نحط كل المقادير
كاسين طحين ابيض ، ثلث كاس سكر بودره ، نص كاس زبده الفول السوداني ، نص كاس سمنه
نعجنهم لحد ماتصير معنا عجينه لينه ومتماسكه بحيث انك تقدرين تكورينه بسهوله
اذا طلعت شوي قاسيه ضيفي ملعقه من زبده الفول السوداني نكورهم كور صغيره ونحط فوقهم “لوز صنوبري ” او فول سوداني كامل ونقطعهم مستطيل ندخله الفرن ١٠ د على درجه حراره ١٨٠
من تحت بس تشقير خفيف
نطلعهم من الفرن نخليهم يبردون مانحركهم
ونحطهم بصحن التقديم
وبالعافيه …