تنظيف الغلاية الكهربائية من الرواسب والتكلسات والصدأ بمادة غير كيميائية، طبقت طريقتي على غلايتي الإضافية،مثل ماتشوفون فيها صدأ لكن ما فيها تكلسات يمكن لأني كنت استخدم فيها موية عذبه فقط (صحه) ،
،
🚿الطريقة تنفع للغلاية البلاستيك والستيل:
1️⃣نصب كاس مويه بالغلاية مع ملعقة كبيرة ملح الليمون ونشغلها ،،2️⃣بعد مايغلي المويه وتطفي الغلايه نرجها شوي عشان الأطراف يوصلها محلول المويه و ملح الليمون ثم نتركها عشر دقايق3️⃣ ثم نجيب فرشاه طويله و نفرش القاع والاطراف 4️⃣ثم نكب المويه و نشطف الغلاية تحت الصنبور يعني نعبيها مويه للأخير ونفرغها،5️⃣آخر شي نعبيها مويه حتى الماكس و نشغلها وننتظر المويه تغلي ،اول ماتطفي على طول نفرغها وبكذا نزيل اثر الصدأ و ملح الليمون و ترجع الغلاية جديده ومعقمه و ريحتها نظافه👌🏻 ،
،
📍ملح الليمون تلقونه بالسوبرماركت عند قسم البهارات او عن العطارين و بالبقالات ،
،
▫️تنظيف الغلاية بالخل الابيض:
الصراحة ما استخدمه لأن ريحته قويه و تنتشر😷 ،ويمكن تبقى ريحته وطعمه بالغلاية البلاستيك عكس الغلاية الستيل اللي يروح عنها اثر الخل بسرعه ،بس لازم تتأكدون من كتيب التعليمات حسب نوع الغلاية هل مسموح التنظيف بالخل او لا ، لانه ممكن يعدمها